殿 大喜屋

Open Now

Now Closed

本身食過幾次大喜屋唔同分店，一直都好想搵次試下殿大喜屋，今日有開心事想慶祝下，就放縱下自己豪番次。上到殿大喜屋，餐廳比一般放題餐廳闊落，樓底亦較高，環境舒適，好感度大增。殿大喜屋餐牌選擇較多，以下係其中一d食左ge食物：火炙壽司燒皇帝蟹捧/胡椒和牛燒/鹽燒三文魚腩/海鹽燒左口魚邊/蒲燒海鰻，每款都唔錯，特別推介燒皇帝蟹捧同埋三文魚腩。花雕醉鮑魚連鮑魚都有得食，緊係要試下。賣相已經唔錯，食落好有咬口，花雕酒味亦出，忍唔住encore左兩次。吉品鮑汁燴花膠盛宴鮑汁味濃厚，花膠大大塊，呢個都係回本之選，見到唔少枱都有order。焗帶子刺身薄切即燒和牛飲品選擇亦唔少，凍飲熱飲都有，亦都比平時特別d，最驚喜係紅白酒清酒都有。最後一定要留肚食甜品，呢度有任食ge Haagen Dazs 同movenpick，點都要食番兩杯先走。殿大喜屋絕對係CP值超高，下次食放題都樂意俾多少少食呢間。