L'attitude (Closed)

啱啱同朋友都係西環附近做完嘢，就約埋去試呢間餐廳。因為book咗枱，一入到去就已經可以安排到座位。餐廳佈置之中，最吸引目光，一定係餐廳中央放置嘅呢隻熊仔，雖然我同朋友都唔係特別鍾意呢隻熊，但的確幾可愛。坐低就即刻叫咗杯藍蝶花凍飲，飲品中放咗一粒發光冰，超治癒。叫咗一碟蟹膏海膽飯，但估唔到蟹膏嘅份量竟然係佈滿整隻碟😱雖然好香，不過就霸占左我個胃。另外呢啲軟殼蟹明太子意粉，超級超級超級驚喜！軟殼蟹炸得香脆之餘，明太子醬汁好味又creamy，絕對係我會為咗呢碟意粉再黎！