得閒飲茶 (MONTEREY Place)

Open Now

Now Closed

呢排都係落雨天，心情總是灰灰的，所以今日特登去將軍澳海旁嗰邊食個Brunch! 對住個無敵大海景真係令人身心舒暢！鵪鶉蛋松露燒賣：松露味好香，入面有Q彈的鵪鶉蛋，口感獨特又好味。 瑤柱香茜餃：味道好鮮美，一籠有四隻，性價比都高。酥皮菠蘿叉燒酥：手工精緻，外層真的很酥脆！裡面包裹著香噴噴的叉燒肉，甜鹹適中。上湯煎粉果：幾特別嘅煎粉果，入面有豐富的餡料，放在高湯中一齊食，味道唔錯。櫻花蝦銀蘿腸：呢個蘿蔔腸好出色，腸粉入面有好多蘿蔔蓉，上面鋪有櫻花蝦點綴，清新而有鮮味。棉花雞：雞肉柔軟，冬菇軟腍，魚肚好入味，值得一吃。整體而言，呢度啲食物高質，再加埋個環境咁優雅，淨係嚟坐都值。