相馬日式火鍋 (Closed)

而家疫情帶住小朋友周圍都冇得去，最好消磨時間嘅就係食下打邊爐啦。今次呢個放題係有兩個鐘頭任食，真係可以嘆住咁慢慢食。今次揀咗兩款都係唔辣嘅湯底，豬骨湯底同埋蕃茄湯底，兩個湯底都好好味丫。而選擇嘅套餐就係美國特選牛肩胛，牛肉色澤睇落就已經好新鮮，食落真係好嫩。雞翼佢嘅味道有好多款，而且係單骨嘅雞翼，好方便咬。小朋友自己都食到，基本上市面上你見到嘅雞翼嘅味道佢都已經出現晒，真係每款都要試吓，好正。串燒拼盤真係大人細路都鍾意食，平時出邊食串燒，都至少要十幾$20一串，佢呢度一疊嘅份量都差唔多成百幾蚊，真係超值。小朋友就最鍾意食燒魚餅，而我就當然最鍾意食大頭蝦。