Chiu Fat Restaurant

好掛住旅行嘅感覺～一於入長洲 Relax 下去個短Trip 🥰 入到黎除左食小食同魚蛋～都仲要食餐好嘅️雖然得2 個人但又好想食海鮮～ 見到呢間好多食客～所以就膽粗粗試下海鮮套餐～ 2人套餐可以自選3 款菜式都係$248 仲加送左粟米羹同油菜 真係好抵食呀🥰

🥢蒜蓉蒸扇貝
呢個真心推介🤗 每隻扇貝都鋪滿左粉絲～ 加埋蒜蓉同扇貝一齊食真係無得頂～ 主角扇貝2 人餐有6 個開邊～蒸得岩岩好～唔會過左火喉～

蒜蓉蒸扇貝

🥢黃金蝦
呢道菜一直係我最愛～要讚嘅係黃金蝦係隻隻都脆口嘅～當然呢道菜一定要趁熱食～因為份量太大… 我地留到後尾再食就會無左脆口效果～🙈

黃金蝦

🥢椒鹽鮮魷
呢道菜又係份量十足睇外表係炸到黃金香脆咁️我專登食一半睇過～ 鮮魷算係厚而炸粉係適中嘅🤗 果然無令我失望～ 食落係脆口嫁️ 

椒鹽鮮魷

🥢粟米魚肚羮+ 油菜
呢2 樣係order 套餐送嘅～ 粟米魚肚羮係一大碗～絕對唔係水稀稀咁～好有誠意～ 是日油菜就係生菜🥬～都幾健康️

粟米魚肚羮

油菜

之前好怕海鮮套餐會將貨就價～ 為食妹可以拍心口咁同大家講～ 呢道絕對係抵食又大碟😋2 個女仔食左4 道菜加一個羮️ 大滿足～仲有好多道菜都好想試呀～下次絕對會帶埋屋企人一齊黎再食過呀🥳