小曼谷泰國美食站

Open Now

Now Closed

難得夜市開返，特登同朋友黎食晚飯。叫左個泰王咖哩法包軟殼蟹，蟹肉雞絲魚肚羹同香葉辣椒豬肉碎燴飯。軟穀蟹好脆口，份量都唔少，而咖哩一如既往地好食，唔理係點軟殼蟹同法包淨係撈飯都非常合襯！加上，啱啱上枱個陣個法包都仲係脆底，真係讚～蟹肉雞絲魚肚羹嘅蟹肉同雞絲就比較偏少，但魚肚就非常非常多😅。味道都幾夠，配埋紅醋更加開胃，但記得落少少就夠，唔係會蓋左湯本身個味道。最後個香葉辣椒豬肉碎燴飯就比較一般，冇乜特出嘅味道，個人覺得豬肉碎都比較少，而且唔夠辣。中意食辣嘅朋友就唔太啱口味。泰式野黎講都幾野味。加上今晚有live聽人唱歌，當係去左轉泰國街頭，食左個dinner ，chill下欣賞下。