Cull ’N Pistol Hong Kong (Closed)

鯉景灣呢個地方不嬲都好鍾意，適合揸車去拍低就可以坐喺地舖對住海嘅餐廳。朋友生日話想食生蠔，第一個諗起就係去鯉景灣Chill下。餐廳有生蠔拼盤，冇得揀款，有三款指定生蠔，共6隻，我哋叫咗一打生蠔，即係兩個生蠔拼盤。成間餐廳嘅環境同感覺都唔錯，但係今次嘅生蠔有點失望呀，冇想像中平時呢個價位西餐廳咁新鮮，雖然海鮮呢啲一批批貨真係比較難控制到每隻都好好，都體諒嘅。好彩焗龍蝦煮得唔錯，龍蝦肉幾飽滿，亦都夠牛油香。總括嚟講環境同氣氛係唔錯嘅，我諗下次嚟可能就試佢其他嘢同飲吓嘢啦。