Video
Read full review
2021-01-03
68 views
連續兩日食素，昨天去了吃素食自助餐，今日有人話要帶我去試一間新開嘅素菜館，餐廳主打中法 fusion 素食，概念嶄新，令人躍躍欲試。餐廳嘅名字十分優美動聽，取名單一個字「珺 Emerald」。珺，美玉也、而 Emerald 即祖母綠，乃綠寶石之王，莫非是寓意餐廳嘅食物擁有美好，珍貴的品質？著實令人期待！餐廳佈置得很雅緻，店內設有私人廂房，景觀開揚，加上裝潢簇新時尚，天花燈槽的射燈透出柔柔光線，用餐環境十分舒適。 先睇下餐牌，有前菜、湯、主食、飯麵，另外亦有兩款一人及二人套餐可供選擇。 我哋揀咗個二人套餐 ($428)，套餐包頭盤、湯同三款主菜，點甜品則須另 +$30。先嚟兩款前菜：自家製烤菇沙律 同 麻辣洪湖 BB 蓮藕。烤菇有兩大塊，厚身又 Juicy，沙律菜新鮮爽脆，配上酸酸甜甜嘅醬汁，味道好 Fresh！BB 蓮藕亦很有驚喜，吃起來不但清新爽脆，而且入口麻中帶辣，非常惹味，加埋雲耳、百合同青紅椒一齊食，口感好豐富。跟住係兩款湯，分別有純素羅宋湯 同 泰式冬蔭功。羅宋湯好足料，內有椰菜、甘筍、西芹、蕃茄和洋蔥，口感酸甜適中，香而不膩，健康又有營養。冬蔭功湯亦非常開胃，湯身鮮艷奪目，
餐廳嘅名字十分優美動聽，取名單一個字「珺 Emerald」。珺，美玉也、而 Emerald 即祖母綠，乃綠寶石之王，莫非是寓意餐廳嘅食物擁有美好，珍貴的品質？著實令人期待！
餐廳佈置得很雅緻，店內設有私人廂房，景觀開揚，加上裝潢簇新時尚，天花燈槽的射燈透出柔柔光線，用餐環境十分舒適。
先睇下餐牌，有前菜、湯、主食、飯麵，另外亦有兩款一人及二人套餐可供選擇。 我哋揀咗個二人套餐 ($428)，套餐包頭盤、湯同三款主菜，點甜品則須另 +$30。
先嚟兩款前菜：自家製烤菇沙律 同 麻辣洪湖 BB 蓮藕。烤菇有兩大塊，厚身又 Juicy，沙律菜新鮮爽脆，配上酸酸甜甜嘅醬汁，味道好 Fresh！
BB 蓮藕亦很有驚喜，吃起來不但清新爽脆，而且入口麻中帶辣，非常惹味，加埋雲耳、百合同青紅椒一齊食，口感好豐富。
跟住係兩款湯，分別有純素羅宋湯 同 泰式冬蔭功。羅宋湯好足料，內有椰菜、甘筍、西芹、蕃茄和洋蔥，口感酸甜適中，香而不膩，健康又有營養。
冬蔭功湯亦非常開胃，湯身鮮艷奪目，上桌時仍熱呼呼，入口酸辣鮮香，味道醒神，充滿泰國風味，令人一飲傾心。
主菜揀咗玫瑰叉燒、鮮花椒麻鳳尾蝦 同 芝士獅子頭意大利粉。玫瑰叉燒口感一流，咬下外脆內軟，有五花腩的層次。面頭的醬汁好突出，用上自家製的玫瑰花醬，再加入玫瑰花及玫瑰花花茶做成，入口酸甜不膩，
另外個鮮花椒麻鳳尾蝦亦令人歎為觀止，無論外型、紋理和味道都同真嘅鳳尾蝦十分神似。外層炸粉厚薄適中，咬下香脆爽彈，每一口都滲透著溫潤的麻辣，令人回味無窮。
壓尾的芝士獅子頭意大利粉亦做得甚有水準，素獅子頭入口即化，鬆而不散；意粉煮得軟硬適中，彈牙有嚼勁，很討人歡喜。
意猶未盡，加點咗客 Dessert 脆皮燕麥奶 (+$30)，個甜品賣相好靚，而且十分有內涵。外層嘅燕麥炸得非常酥香鬆脆，內餡食落有啲似芋泥，軟滑綿密，口感好特別，為這頓精緻素菜 完美作結。
Post
