Video
Read full review
2021-08-17
419 views
好彩冇去過一間甘有氣氛嘅日式放題店😜AMAZAKE係一間比您就算食放題都可以放鬆慢慢食慢慢傾嘅好地方👍🏿———————————————————————今次用openrice訂左星期日lunch嘅時段，位置比較隱蔽，係喺寫字樓大廈入面嘅地下位，所以都吾算好多人。我地一行三人，職員安排左我哋坐一個卡位， 個位好闊，空間感十足，好似一個小包廂甘。———————————————————————一坐低店員就會主動倒茶同比menu我地，佢除左有我今次食嘅ALL U CAN EAT 之外， 重有單點嘅。揀邊樣就睇您食得幾多 。 我同朋友都係大胃王，當然係第一個choices岩我地喇。個任食係玩兩個鐘。———————————————————————講番食物， 選擇一定冇其他旺角同尖沙咀嘅放題店甘多，但要有嘅佢都有，而且質素都相當之好，雖然我地冇全部試曬，但都續一係下面講下喇。———————————————————————第一輪嘅食物都吾需要我地自己落單，而係店員為我地一一上菜，等我地每樣可以試齊。———————————————————————首先係炸物類，我地全部都試曬，有炸雞，炸餃子，炸蠔同章魚小丸
AMAZAKE係一間比您就算食放題都可以放鬆慢慢食慢慢傾嘅好地方👍🏿
———————————————————————
今次用openrice訂左星期日lunch嘅時段，位置比較隱蔽，係喺寫字樓大廈入面嘅地下位，所以都吾算好多人。我地一行三人，職員安排左我哋坐一個卡位， 個位好闊，空間感十足，好似一個小包廂甘。
———————————————————————
一坐低店員就會主動倒茶同比menu我地，佢除左有我今次食嘅ALL U CAN EAT 之外， 重有單點嘅。揀邊樣就睇您食得幾多 。 我同朋友都係大胃王，當然係第一個choices岩我地喇。個任食係玩兩個鐘。
———————————————————————
講番食物， 選擇一定冇其他旺角同尖沙咀嘅放題店甘多，但要有嘅佢都有，而且質素都相當之好，雖然我地冇全部試曬，但都續一係下面講下喇。
———————————————————————第一輪嘅食物都吾需要我地自己落單，而係店員為我地一一上菜，等我地每樣可以試齊。
———————————————————————首先係炸物類，我地全部都試曬，有炸雞，炸餃子，炸蠔同章魚小丸子。 全部都係新鮮炸，熱辣辣嘅。當中要特別好食嘅係炸雞，個外皮同炸粉炸得好脆，一d都吾油，調味都岩岩好，冇過鹹。而章魚小丸子做到外脆內軟，如果吾係食多幾粒會太飽我一定會再叫。
———————————————————————第二碟上枱嘅係串燒， 好有去左居酒屋嘅感覺。肉類全部都上左兩份，而其他就一份。呢個比起其他慳成本嘅餐廳吾同，睇得出佢地嘅串燒都比得非常大方。佢呢度分別有雞翼，豬五花，雞軟骨，雞腎，冬菇，同坊間小有嘅小青椒。當中最出色嘅係雞軟骨，燒得非常香口， 雞胸軟骨夾雜一d雞肉，更有口感。小青椒都非常好食， 我重將佢夾住五花肉黎食，更加冇得輸。
———————————————————————沙律我地揀左呢度招牌嘅魚生沙律，好大盤， 三四個人一盤岩岩好。調味做得非常好，魚生都非常多，食至最後吾會淨係得番d菜。同埋我留意到佢呢個沙律吾係用d魚生頭頭尾尾黎做，吾會食到d魚生有筋嘅情況。
———————————————————————
天婦羅拼盤都係新鮮制作。人生第一次食粟米芯天婦羅，估吾到嘅出色。佢食起黎比平日嘅粟米芯甜，食落去有d粟米湯嘅味。
———————————————————————去AMAZAKE 應該好多人都同我地一樣 因為d卷物而去，老實講，佢地嘅賣相真係拍得住出面七八十蚊先得三件嘅卷物。 當中最出色嘅係吞拿魚腩碎卷加埋蔥花香一流。
———————————————————————主菜每人可以揀一款，但因為太多野食，我地只係叫左個味噌煮鯖魚同雞肉西京燒，雖然吾係太大份，但因為本身有太多其他野所以我地都至在試下個味。鯖魚好好味， 個味噌非常入味，成功令鯖魚本身嘅腥味去左，肉質亦偏爽。
———————————————————————最正嘅當然係擺係最後講，就係佢嘅刺身，款式吾多， 分別係三文魚，油甘魚，帶子，三文魚子同甜蝦。油甘魚好少有得任食而且甘新鮮甘厚切。全部刺身都好鮮甜好好食。
———————————————————————順帶一提，是日甜品係雪糕糯米糍，正正常常。
餐廳整體食物質素好，冇漏單情況，侍應都會主動加茶同換碟。中環呢個級數嘅餐廳，人均消費至少都五六百。呢度重要係任食，注意‼️係任食。所以我同朋友都覺得呢度值得番枱😛
最後最後，呢度嘅飲品係要加錢，80(冇酒精)/160(有酒精)。吾叫野飲都會有熱茶任飲。
Post
