Video
Read full review
2024-04-10
10 views
今次出銅鑼灣，因為同家姐食生日飯，當然要選間高質嘅餐廳，揀咗呢間 《輝 》試下，餐廳位於渣甸街尾Aura on Pennington 三樓。地下門口好易揾。搭𨋢上到三樓，一出𨋢已經令人印象深刻，餐廳裝飾非常精緻，帶點浪漫及古式風味，𥚃面環境及座位亦相當舒適寬敞。食日本菜當然要配番清酒至更完美，不過自問吾太有硏究，所以隨便選左支最平嘅「龍」300ml ($288) ，意外地頗有驚喜，淺嚐味帶點香甜，順滑易入喉，所以食下飲下最后我哋再開多咗一支先夠喉。「吞拿魚他他」（$188半份 / $328 大），我地選左大份，吞拿魚先表面炙燒過，然後切片上，厚薄切得恰到好處。由於魚表面炙燒過，更能帶出魚香及鮮味，再配上薄切洋蔥片及醬汁，味道就更加豐富滋味。「松葉蟹肉炸海老卷」（$238），海老即炸夠香熱鮮味鬆脆，特別欣賞炸卷外面鋪上蟹肉、紫菜絲及蟹籽，紫菜香味尤其突出，令整個劵味道更豐富。「松葉蟹肉海膽三文魚籽丼」（$388），整體份量頗多，尤其松葉蟹肉勁多，蟹肉非常鮮甜。海膽味甘甜，吾會有怪味。三文魚籽相對變得冇咁突出，但佢其實都粒粒鄀精瑩飽滿。配菜亦都用心，除常見新鮮紫蘇葉及醃薑片，亦配有醃漬蘿蔔
搭𨋢上到三樓，一出𨋢已經令人印象深刻，餐廳裝飾非常精緻，帶點浪漫及古式風味，𥚃面環境及座位亦相當舒適寬敞。
食日本菜當然要配番清酒至更完美，不過自問吾太有硏究，所以隨便選左支最平嘅「龍」300ml ($288) ，意外地頗有驚喜，淺嚐味帶點香甜，順滑易入喉，所以食下飲下最后我哋再開多咗一支先夠喉。
「吞拿魚他他」（$188半份 / $328 大），我地選左大份，吞拿魚先表面炙燒過，然後切片上，厚薄切得恰到好處。由於魚表面炙燒過，更能帶出魚香及鮮味，再配上薄切洋蔥片及醬汁，味道就更加豐富滋味。
「松葉蟹肉炸海老卷」（$238），海老即炸夠香熱鮮味鬆脆，特別欣賞炸卷外面鋪上蟹肉、紫菜絲及蟹籽，紫菜香味尤其突出，令整個劵味道更豐富。
「松葉蟹肉海膽三文魚籽丼」（$388），整體份量頗多，尤其松葉蟹肉勁多，蟹肉非常鮮甜。海膽味甘甜，吾會有怪味。三文魚籽相對變得冇咁突出，但佢其實都粒粒鄀精瑩飽滿。配菜亦都用心，除常見新鮮紫蘇葉及醃薑片，亦配有醃漬蘿蔔及海藻。加埋軟硬適中嘅米飯，呢個飯丼的確好味道👍。
「免治雞肉軟骨」（$48），軟骨均勻分散在雞肉中，雞肉嫰滑，沾埋蛋汁更美味。
串燒方面，至愛牛舌必食，「特選牛舌」（$78），厚切牛舌入口甘香肉爽，好味到無法形容，所以要點兩串至夠喉😋。
「豚肉年糕」（$58），年糕煙煙韌韌幾特別，記得趁熱食。😉
「鹽燒活鰻」（$98），食完第一串牛舌後決定追加嘅，因為覺得有點貴。不過一試入口，就明白係有原因，鰻魚入口皮脆，魚肉超爽彈，而且魚香濃厚，真係好好味，一試難忘。
每樣食物都好食，而且店員亦招呼周到，適當地為客人添茶及收拾枱面，不會令人太打擾。整體用餐體驗非常滿意，有機會會再嚟。
餐廳更特設午市套餐或各種優惠。
Post
