201
7
1
3-min walk from Exit F1, Causeway Bay MTR Station
continue reading
Telephone
36210113
69362120
Introduction
This high-end Japanese restaurant is in charge of Gonpachi's ex-head chef. It mainly serves omakase and also provides lunch sets, sushi, sashimi and skewers. It is designed with Japanese wooden style and yellow lighting, which is very grand and magnificent. It is suitable for family and friends gathering, as well as business customers.
continue reading
Opening Hours
Today
11:30 - 15:00
18:00 - 23:00
Mon - Sun
11:30 - 15:00
18:00 - 23:00
Public Holiday
11:30 - 15:00
18:00 - 23:00
Public Holiday Eve
11:30 - 15:00
18:00 - 23:00
Above information is for reference only. Please check details with the restaurant.
About Reward Scheme
Recommended Dishes
🌟餐廳：輝📍地址：銅鑼灣渣甸街66號亨環3樓💰價位：～$400 - $800⏰營業時間：星期一至日 11:30 - 15:00 & 18:00 - 23:00📱電話：3621 0113 / 6936 2120Happy Friday 最佳節目就梗係約埋好友去撐枱腳，RELAX下~今次揀左位於銅鑼灣既「輝」，主打高級日本料理，由廚師即席炮制各式日本刺身、壽司、串燒等等一系列日本菜色，一於去chill 返晚，歎返餐高質日本菜～———————————————————🔹松葉蟹肉飛魚籽沙律份量十足既和風沙律！大量青瓜絲加入日本沙律醬、鮮甜松葉蟹肉及豐富飛魚籽，形成一座沙律山，賣相及味道都好出色！———————————————————🔹吞拿魚他他吞拿魚他他用上火焰半熟煮法，魚既外層經火焰後，魚油味釋放哂出黎，肉質粉嫩，鮮味十足，搭配餐廳自家制醋汁，更能提鮮！———————————————————🔹季節白身魚薄切 - 間八魚廚師既刀工一流，每塊魚片薄切晶瑩剔透！間八魚魚脂豐富，魚肉爽彈帶點嚼勁，食落慢慢滲透出魚肉既鮮甜味道，上層鋪滿大蔥絲，再配以日式香蔥醋汁，微微酸，更能提升魚肉既鮮甜味！———————————————————🔹玉子燒香噴噴熱辣辣既流心玉子燒由廚房師父炮制，有水準！玉子燒加入日本味醂，鰹魚清湯等材料煮制，蛋香味濃，蛋既煮制時間剛剛好，外層有點焦香，內層保持流心juicy，入口超滑順，必試！———————————————————🔹串燒 - 特選牛舌/ 免治雞肉軟骨嚟到呢度當然唔少得試埋有串燒師傅即叫即燒嘅日式串燒！特選牛舌厚薄適中，外層烤至香脆，肉汁四溢，食落大滿足！免治雞肉軟骨係我既至愛，啖啖肉咬落更有一粒粒雞軟骨，口感一流，配搭埋蛋漿及日式醬油，寧舍滋味！———————————————————🔹特色鰻魚蛋燒賣相及擺盤精緻嘅菜式！打卡一流！嫩滑既鰻魚肉、滑蛋及魚籽以蛋皮包住，切開一層層，層次分明，伴碟更加入三文魚籽、海苔及甜醬油，成個組合無得彈！大滿足～———————————————————🔹松葉蟹溫泉蛋配胡麻醬烏冬冷烏冬係我嘅至愛！材料豐富，加入大量松葉蟹肉、溫泉蛋、大蔥絲，再淋上自家制胡椒醬，好滋味！烏冬掛滿濃濃胡麻醬及濃郁蛋漿，入口Q彈Juicy，口感涼浸浸，值得一試！———————————————————🔹蒲燒鰻魚丼蒲燒鰻魚丼飯亦係餐廳主打之一！即燒原條蒲燒鰻魚，大大條份量十足，魚肉厚身啖啖肉，搭配日本米飯夠哂飽肚滿足！———————————————————🔹季節限定雪糕 （豆腐 及 開心果）最後當然要歎埋自家製嘅雪糕，清新有解膩！特別推介豆腐味雪糕，豆香味濃厚，入口夠滑順，香甜又滋味！—————————————————😋味道：4/5🏢環境：4.5/5💁🏻♀️服務：4/5💵價錢：4/5🤟🏻性價比：4/5———————————————————👅整體小總結餐廳裝修走高級日系居酒屋路線，燈光柔和，用餐氛圍一流，更設有榻榻米獨立房間、壽司吧枱及卡座，環境優美！食物方面，主打日式串燒、定食及時令海鮮刺身及壽司，款式選擇夠晒多元化，而且餐具設計亦夠哂精緻，好適合約埋閨蜜黎慢慢歎返餐高級日本料理！
continue reading
收工想食好啲 就同同事嚟咗食日本菜入面都幾有feel精選刺身拼盤 (5種) $488 赤蝦上面仲有啲蝦乾 都係第一次試依個食法蝦味更加鮮更加重 中拖好厚切 好滿足🥰刺身沙律 $168會唔會太豐盛😂無論係刺身定係沙律菜 份量都好多沙律菜好爽脆 調味好香大吞拿魚腩壽司 $108@最愛大拖🫶🏻個油香無可替代🦦松葉蟹肉海老卷 $238覺得係今餐飯嘅MVP🥇上面嘅蟹肉好鮮甜耶~再加埋啲炸蝦 口感同味道都好正串燒：-特選牛舌 $78-煙燻明治芝士 $58好香嘅芝士 奶味相對較重-雞皮餃子 $58雞皮燒得好香脆-免治雞肉棒 $48-雞頸肉 $48好爽好有口感-雞皮 $48好滿足嘅一餐
continue reading
聽同事講呢間餐廳好好食，見今日過嚟銅鑼灣行街，即刻去試吓。六點幾上到去，暫時唔算好多人，店員安排我哋兩個人錯咗一張四人枱，座位寬敞舒適，成間餐廳嘅燈光都好柔和，好舒服。呢間餐廳食物種類都幾多，各式各樣嘅食品都有，最後我哋揀咗以下食物。精選刺身拼盤(5品）入面有赤蝦、真鯛、深海池魚、拖羅同帆立貝，店員好細心地同我哋講食刺身嘅先後次序，所有刺身都好新鮮，尤其是係拖羅！特色鰻魚蛋卷賣相好靚，而且好好食，超有驚喜!!!外面用蛋皮包住，入面都仲有蛋，流心半熟的，同鰻魚超夾，仲有啲蟹籽，口感好豐富。下面好脆嘅芝麻海苔係靈魂所在😍日本A5和牛他他其實唔使點醬汁已經好好食，表面焦得香香的，廚師淨係用咗少少鹽來調味，成件事超夾！A5和牛壽喜燒✨✨湯底調味剛剛好 ，和牛有三大塊，油香豐富，入口即溶，而且仲有蛋黃加胡麻醬就做醬汁，仲有各種蔬菜同我最愛嘅薯粉🤤最後點咗兩款時令雪糕，分別係開心果同豆腐味，為我哋嘅晚餐畫上圓滿嘅句號。見到佢哋成立兩周年，出咗啲好抵食嘅set lunch，已經急不及待即刻book咗位下次嚟食！
continue reading
今日同朋友LUNCH想食好D獎勵下自己. 去左銅鑼灣亨環既"輝"食日本野. 電梯門一打開, 有竹既屏風遮擋著餐廳內部, 私隱度UP加感覺良好. 餐廳有好多窗戶位置, 自然光透入黎好舒服.LUNCH SET 選擇有好多, 生食熟食都有. 而且除主食外仲包前菜, 沙律, 味噌湯, 甜品及咖啡或紅茶.我地選左2個LUNCH SET, 分別係一個精選壽司定食 (8貫) 同一個極上海鮮丼.前菜係醬油牛蒡蒟蒻. 牛蒡爽口入味, 蒟蒻咬落煙煙韌韌咁, 幾得意. 沙律係熟蝦加醃菜. 醃菜爽脆, 熟蝦同醃菜一齊食, 味道好夾又開胃.精選壽司定食 (8貫) - $288: 有海膽軍艦, 大拖羅, 赤身, 油甘魚, 章红鱼, 赤海蝦, 赤貝, 蟹肉蟹膏壽司各一件. 全部都好新鮮! 當中大拖羅入口即溶. 油甘魚魚味濃郁. 赤貝厚肉爽口. 赤海蝦味道鮮甜. 海膽軍艦既紫菜脆海膽軟, 加埋既口感一流.極上海鮮丼 - $288: 呢個既性價比很高, 因為佢有好多唔同既海鮮, 包括三文魚子, 海膽, 鯛魚, 油甘魚, 赤身, 赤海蝦 同 蟹肉. 非常豐富! 三文魚子卜卜卜咬開後鮮甜湧出黎! 蟹肉份量好多. 一碗丼滿足曬我既味雷.食完主食再飲個熱辣辣既味噌湯, 暖下個胃好舒服.甜品係雪糕, 可以選豆腐, 黑芝麻同開心果味. 我地選左黑芝麻同開心果味. 開心果味比較清新. 黑芝麻味味道重, 如果鍾意食比較甜既人, 呢個就岩曬.我地再叫左一個熱同一個凍咖啡, 為今餐畫上圓美既句號.
continue reading
朋友想食日本菜，係銅鑼灣發現呢間新開張的店「輝」，上黎試吓先。店舖裝潢都係日本和風系，尤如置身日本，坐得舒適，而且有屏封間開隔離位，私隱度立刻提升。日本A5和牛他他$208和牛配洋蔥好好食，牛的邊邊燒煮過，中間係生嘅，但食落牛肉味濃，肉質好淋易咬，完全唔韌、冇根，好好食😋煙熏明治芝士$58芝士味濃，硬身免治雞肉軟骨$48雞肉醃過而又夾雜蔬菜，味道很好，可以再試👍🏻蘆筍$48新鮮爽口黑蒜豬骨湯豚肉拉麵$188大約有三、四塊豚肉，拉麵軟硬適中，湯底好好飲，唔算太濃，上枱時好熱辣辣，好味👍🏻松葉蟹肉溫泉蛋配胡麻醬冷烏冬$98烏冬超好食😋，麵質煙韌，很有咬口，松葉蟹肉好好味🤤精選刺身拼盤(五種)$488赤蝦、金雕、池魚、帶子、拖羅，最驚喜係拖羅，入口即化，帶子面有柚子汁，味道鮮甜，很配，厚厚的池魚，肉質結實。松葉蟹加州卷$88呢度菜冇令人失望，好好食😋，佢外面卷住蟹籽，令到卷物好有咬口，豐富口感，松葉蟹味道相對較淡，但整體好食😋
continue reading