但又唔係好肚餓，想搵d飽得黎又可以輕食既地方。記得朋友講過呢間日本串燒料理，就上咗黎搵下。
.
.
呢到同一般日式串燒店環境有點唔一樣，
黎到發現佢感覺更似樓上 cafe 。都幾適合同三五知己一路食下野傾下計。
.
依家好多餐廳都會用電子落單服務，呢到都一樣。電子餐牌裡面既食物款式比想像中多。
.
⭐️海鮮類：蒜燒蟶子皇 $98
調味方面幾出色，蟶子面上既蒜粒燒到好香，再加上少量辣椒粉，令蟶子更加惹味。
.
.
除咗燒物，呢到仲有炸物，⭐️吉列炸蠔 $68
有買隻蠔，炸粉都開得好好，唔會太厚，好香口，仲保留咗蠔汁既 juicy
.
.
⭐️見到好多人推介邪惡包 $38 一件
原來係用紫菜包住帶子同鴨肝，唔掛得之話佢係邪惡之包😂 呢個配搭都好新穎，係個size比想像中細咗少少，不過口感幾特別。
⭐️ 燒油甘魚鮫 $108
呢款有驚喜，魚鮫部位揀得好好，除咗有豐富魚肉，仲有魚脂魚油既部份，魚皮燒到非常香口，咬落似炸魚皮，加上魚油部份，幾有驚喜。
.
肉類方面：⭐️厚燒牛舌心 $58
呢款又係驚喜之作，牛舌厚燒得黎夠香，咁厚既牛舌，燒到剛剛好，咬落仲係有粉婌既肉色。
⭐️蘆薈海老牛肉卷 $48
口感豐富，只可惜有少少乾身
最後，我地仲點咗一份⭐️燒秋葵 $38
燒咗既秋葵少咗個種滑溜溜既口感，又燒得幾好食👍🏻
📍最後$500兩位埋單，又海鮮又肉又菜，$250一位既日本串燒料理，係銅鑼灣黎講都幾唔錯。
