Video
Read full review
2022-03-31
2791 views
每逢行親駱駝潻三期，都會去咗11樓度揾食先。去過嘅就知呢，(以前嘅)dinner hour都幾震撼吓，尤其係頭嗰幾間。而我都係從來都冇行到入盡頭，原來行入d係有間隱蔽嘅良心小店子。 The cool cousins其實就係指創立此店嘅四個表兄弟，其中一個就做開西廚，一個做開東南亞料理。尖沙咀嘅aqua，elements嘅nahm，佢哋曾經都喺嗰度打過工。表弟曾經係bar tender，而表哥就負責畫logo，簡直係perfectto。 店舖裝修就走美式70s嘅風格，見到個logo再加埋個“Eat Here”嘅牌仔，已經好鬼美國風。望吓餐牌，食物選擇就好fusion。有越/泰式嘅冬蔭功湯麵，又有多款吸引嘅burger，但湯麵就比burger選擇少。招牌72小時慢煮安格斯牛小排漢堡$119 「慢煮呢樣野喺之前嘅post都有提及過，基本上呢樣野人人都整到。密封後嘅肉一達到目標温度後，舊肉只會keep住喺嗰個温度而繼續軟化肌肉纖維。 一般慢煮牛扒時間就1-2個鐘已經足夠，4個鐘就已經頂晒籠，再煮就變免治牛肉啦！但牛小排呢個部位，天生脂肪/結締組織/筋都多，餐廳將佢慢煮三日令肉中間嘅結締組織化解
The cool cousins其實就係指創立此店嘅四個表兄弟，其中一個就做開西廚，一個做開東南亞料理。尖沙咀嘅aqua，elements嘅nahm，佢哋曾經都喺嗰度打過工。表弟曾經係bar tender，而表哥就負責畫logo，簡直係perfectto。
店舖裝修就走美式70s嘅風格，見到個logo再加埋個“Eat Here”嘅牌仔，已經好鬼美國風。望吓餐牌，食物選擇就好fusion。有越/泰式嘅冬蔭功湯麵，又有多款吸引嘅burger，但湯麵就比burger選擇少。
招牌72小時慢煮安格斯牛小排漢堡$119
招牌72小時慢煮安格斯牛小排漢堡
$119
77 views
1 likes
0 comments
「慢煮呢樣野喺之前嘅post都有提及過，基本上呢樣野人人都整到。密封後嘅肉一達到目標温度後，舊肉只會keep住喺嗰個温度而繼續軟化肌肉纖維。
一般慢煮牛扒時間就1-2個鐘已經足夠，4個鐘就已經頂晒籠，再煮就變免治牛肉啦！但牛小排呢個部位，天生脂肪/結締組織/筋都多，餐廳將佢慢煮三日令肉中間嘅結締組織化解成膠質。」
Burger嘅厚度就真係十足，大到fit唔入口。你見D肉都真係大大舊原件上，肉嘅量都唔少，cp值都算唔錯。當日平日下午12:45仲係一個人都冇，真係要黎幫襯吓啦各位。
牛肉內裡係非常之粉嫩，好似就要散開咁，食落同想像中一樣軟嫩肥美，香口四溢，值得有72小時嘅等待。外皮有煎香過，味道就純係食佢洶湧嘅肉味。
麵包表面光滑剔透，內裏重度烘過而明顯有層脆感。內裏則氣孔蓬鬆，輕盈軟熟，但同時微微煙韌，佢唔多牛油香，但有牛奶嘅淡雅。
羽衣甘藍脆身而帶有汁醬調味，但個人覺得佢呢個口感太搶。中間有D磨菇，焦糖洋蔥同辣椒仔。bbq醬汁酸甜適宜，但就太少。下面嘅芝士醬香滑creamy，偏薄身，味道剛好足夠。
手撕豬薯條
$8
63 views
1 likes
0 comments
薯條就加錢試咗佢個手撕豬version，份量就唔多，但對我而言就足夠。醬汁同樣係bbq/茄汁嗰種類，非常之酸甜，加上芥末後，個人覺得overpower咗，太酸。手撕豬就有D韌lor，但又唔太乾柴。薯條就炸到剛好，有脆嘅口感。
Post
