Video
Read full review
2023-03-10
293 views
唔講唔知原來少爺啤係有開餐廳的，磚紅色嘅外牆、搶眼嘅霓虹燈、型格嘅黑白階磚地板、處處都係紐約嘅痕跡。望入開放式嘅廚房，一位又巨大又紅又hot嘅b*tch甚為奪目，佢係薄餅烤爐嚟，旁邊仲可以見到整pizza嘅過程。除咗pizza之外，由bartender 直接喺「水龍頭」斟出黎 tap beer係呢度嘅另一樣主打，有香港本土亦有外國進口嘅多款選擇。例如少爺啤嘅Taprooms、NEONOTIC! JUST PEACHY嘅Peach Cider；La Sirène嘅Urban Pale、Heroes嘅Hangry Donut同3 RAVENS嘅Hugin HEROES等等。如果你自問千杯不醉，一定要試下飲品freeflow ，兩個個鐘任飲5種啤酒加1梳打、House Red & White Wine、罐裝Higherthan, Highball、梳打、檸檬水、果汁 都係$300咋，酒鬼們有福了。二人套餐 $238 pp 𖦹 腐乳汁凱撒沙律沙律醬加咗腐乳，不過味道唔算突出只係嗒到陣鹹香；以叉燒粒代替煙肉，食落幾得意，加上爽口嘅羅馬生菜，中西融和。𖦹 招牌肉丸大大粒嘅肉丸以豬肉、牛仔肉製成，口
唔講唔知原來少爺啤係有開餐廳的，磚紅色嘅外牆、搶眼嘅霓虹燈、型格嘅黑白階磚地板、處處都係紐約嘅痕跡。望入開放式嘅廚房，一位又巨大又紅又hot嘅b*tch甚為奪目，佢係薄餅烤爐嚟，旁邊仲可以見到整pizza嘅過程。
除咗pizza之外，由bartender 直接喺「水龍頭」斟出黎 tap beer係呢度嘅另一樣主打，有香港本土亦有外國進口嘅多款選擇。例如少爺啤嘅Taprooms、NEONOTIC! JUST PEACHY嘅Peach Cider；La Sirène嘅Urban Pale、Heroes嘅Hangry Donut同3 RAVENS嘅Hugin HEROES等等。
如果你自問千杯不醉，一定要試下飲品freeflow ，兩個個鐘任飲5種啤酒加1梳打、House Red & White Wine、罐裝Higherthan, Highball、梳打、檸檬水、果汁 都係$300咋，酒鬼們有福了。
二人套餐 $238 pp
𖦹 腐乳汁凱撒沙律
沙律醬加咗腐乳，不過味道唔算突出只係嗒到陣鹹香；以叉燒粒代替煙肉，食落幾得意，加上爽口嘅羅馬生菜，中西融和。
𖦹 招牌肉丸
大大粒嘅肉丸以豬肉、牛仔肉製成，口感軟綿，肉味濃郁，加上茄蓉以及意大利羊奶芝士作點綴。
𖦹 余均益炸雞翼
用上百年老店余均益嘅招牌辣椒醬製成，辣度後勁十足，雞翼香脆，記得蘸啲Blue Cheese 醬增添風味（同埋解辣xd）。
𖦹 墨西哥辣椒海鮮薄餅
雖然menu 上面標示咗幾隻辣椒，但食落完全唔辣，配料有蜆肉、蝦、魷魚、墨西哥青辣椒。整體調味比較淡而且無咩醬，啲料一路食一路跌；個薄批原來係用酸種製成，難怪有種煙韌感亦有脆口嘅燶邊位。
𖦹 8. gratuitous flare
偏淡味、易入口嘅啤酒，有陣柚子+梨嘅香氣。
𖦹 13. hugin: smokey, bitter
與上一杯風格大徑相庭，呢杯生啤有陣陣嘅煙燻味，整體偏苦。
Post
