nana's green tea

Open Now

Now Closed

終於去咗位於啟德 Airside嘅nana’s green tea，主打日式茶飲同日式料理，裝潢木系清新，好啱同朋友坐低慢慢歎。 主食方面，叫咗明太子大葉豆乳芝士意大利飯，配埋麵豉湯。意大利飯帶淡淡芝士豆乳香，食落creamy，明太子鹹香帶少少辣，大葉又加咗啲清新感，食到後段都唔覺膩。朋友點咗海老蕃茄豆乳烏冬，入面蝦都大隻彈牙，蕃茄湯底濃郁帶蝦膏豆乳香，烏冬口感煙靭。熱抹茶牛奶同熱焙茶牛奶都好飲。抹茶牛奶茶味香濃，唔會太甜，入口順滑。焙茶牛奶就帶陣烘焙香，飲落去暖笠笠，好舒服。 甜品當然唔少得芭菲。抹茶生朱古力芭菲同焙茶生朱古力芭菲。芭菲入面有雪糕、忌廉、紅豆、生朱古力同脆粟米片，層次感豐富。抹茶味香濃，帶少少微苦，啱晒抹茶控；焙茶芭菲就茶味突出，朱古力滑溜，唔會太甜，兩款都值得一試。