Video
Read full review
2009-09-17
173 views
16-9-2009收工後「下場」喺上環, 先約朋友食個 dinner. 想搵間食得舒服一點的, 路過見呢度 menu 又好似不錯, 又入嚟試試. 叫了 "Romantic dinner set for two" ($376), 真 romantic 呀吓 xDTable bread 係落 order 後先烘, 夠熱, 不過一般鬆軟, 而且有點乾, 塗點牛油 (已 soften) 好好多. 另亦可配 olive oil 及黑醋, 不過兩者貨色一般, 唔食都無乜大損失.Starter #1 Salade de Foie Gras*: 經理推介之一, 話「呢個 Openrice 好多人讚0架!」xD 煎得面脆身, 中間就好似肥油一樣軟滑及「動 L」, 食落入口即溶, 油香豐潤, 唔錯唔錯 美中不足係有點根, 可惜. 實在好 heavy 的一個 starter, 好在下面有 leaf salad (黑醋-based dressing) 的酸酸甜甜中和一下.Starter #2 Smoked chicken and mango salad*: 雞肉味道夠 "smoked",
收工後「下場」喺上環, 先約朋友食個 dinner. 想搵間食得舒服一點的, 路過見呢度 menu 又好似不錯, 又入嚟試試. 叫了 "Romantic dinner set for two" ($376), 真 romantic 呀吓 xD
Table bread 係落 order 後先烘, 夠熱, 不過一般鬆軟, 而且有點乾, 塗點牛油 (已 soften) 好好多. 另亦可配 olive oil 及黑醋, 不過兩者貨色一般, 唔食都無乜大損失.
Starter #1 Salade de Foie Gras*: 經理推介之一, 話「呢個 Openrice 好多人讚0架!」xD 煎得面脆身, 中間就好似肥油一樣軟滑及「動 L」, 食落入口即溶, 油香豐潤, 唔錯唔錯 美中不足係有點根, 可惜. 實在好 heavy 的一個 starter, 好在下面有 leaf salad (黑醋-based dressing) 的酸酸甜甜中和一下.
Starter #2 Smoked chicken and mango salad*: 雞肉味道夠 "smoked", 賣相「雞胸」到唔恨, 但食落又出奇地唔硬又唔會乾爭爭, 意料之外; 唔 in season 的芒果亦頗清甜. 味道唔特別出色, 但食完鵝肝整碟 salad, 清清味蕾不錯.
朋友飲 today's soup #1 cream of broccoli: 試了一啖, 好 creamy, 帶淡淡西蘭花味, 都不錯. 不過亦因為好 creamy, 朋友飲剩了四分一碗...
我飲 today's soup #2「匈牙利牛肉湯」: 內有雜菜及粒粒牛肉, 即 beef goulash? 第一次飲呢味, 味道好「濃縮」, 牛味十分濃烈, 幾好飲. 不過味道都幾鹹, 配 bread 較好.
Pasta 係 linguini alla funghi di truffle*: linguini 用 black truffle olive oil 再落點 mushrooms 及洋蔥炒, 油光滿麵, 食落 al dente, truffle oil 香氣撲鼻, 加埋鹹香 mushroom 及爽甜洋蔥, 好食喎
Main course 係 roasted rack of lamb with herb & mustard crust topped with garlic Jus*: 經理推介之二, 「我夠膽講, 我哋 d 羊架係全中環做得最好」, 又睇吓有幾巴閉. 要求 medium-rare, 嚟到果然好對辦. 羊味輕輕的, 肉汁一般, 但燒得好嫩, 食落軟腍, 又真係唔錯 On the side 的薯仔亦好食, 粉粉的, 香口又帶點甜味; 不過 asparagus 就係「白烚」貨色, 爽而不甜又帶點討厭的草青味, 唔喜歡.
Dessert 係 Bread pudding with vanilla ice cream*: 好似又係招牌貨, 雪糕 vanilla (essence) 味幾勁, 配上下面熱辣辣, 香甜濕潤又蛋味濃郁的 bread pudding (仲要無乜 raisins, 我喜歡 ), 其實都無可能唔好食?
Coffee 奉上煲過 (面頭有層「衣」的!) 的熱鮮奶, 飲落唔算好滑, 但夠晒香濃, 幾好的終結.
食物好, 環境亦好, 燈光昏暗加每檯一 candlelight, 再加埋法文背景音樂, 情調滿分; service 亦好得無嘢講, 感覺好有心的一間店.
埋單每一約 $190, 絕對物有所值. DBS credit card 免了加一, 店方仲送了小禮物 --「英國來的蜜糖」, 不過未開嚟食, 唔寫「食評」咁屈機了.
*資料來源: http://www.patio88.com
Post
