金麥泰泰國菜館

Open Now

Now Closed

終於可以唔洗強制戴口罩啦，甘開心當然要出街食好西慶祝下，食飯時間經過呢間九龍城金麥泰泰國菜館，睇吓餐牌，款式超多，又有好多街坊幫襯，非常熱鬧！泰式生菜包（$68）食泰菜必點之選，每間餐廳嘅味道都有啲唔同！惹味辛辣嘅乾葱炒豬肉碎，配上新鮮爽脆生菜，有淡淡嘅檸檬葉香氣！泰式老虎笑（$108）有兩大塊再切薄片，燒牛肉入口幾嫩，油脂香氣重，同酸酸辣辣蘸醬幾夾！泰式馬拉盞炒雜菜（$68）用料豐富，有雜菌、西蘭花、椰菜、芥蘭等等，調味上唔會好鹹同好油，恰到好處。泰式椰青焗飯（$88）終於見到呢個超澎湃嘅椰青焗飯，上枱夠曬熱，香甜椰香醬汁同肉鬆淋係椰青海鮮焗飯上面，雖然無椰子肉，但啖啖都有雜錦海鮮，調味偏淡突顯椰香！泰式凍奶茶、龍眼冰（$22）前者夠香濃，後者龍眼肉好多，唔會好甜。西米椰汁糕（$24）足料西米底加上香甜濃郁椰汁，係幾抵食嘅甜品！