叁不館

Open Now

Now Closed

今次嚟到天后試咗一間地道火鍋，舖名用咗香港特色九龍城寨嘅特別狀況「叄不館」嚟命名，店內裝修都有種八十年代嘅電影海報設計、諧音廣東話方言、夜總會霓虹燈等，非常有親切感。食物方面十分高質，先嚟一個前菜椒鹽粟米，有種避風塘風味，但係粟米又好juicy，食完唔會覺得好口渴口乾，反而係開胃生津，而且炒得好惹味，夠晒鑊氣！食完前菜點咗一個花膠雞湯，個湯單飲都非常入味，配襯住花膠同原隻雞啖啖肉食，非常滿足！由於湯底本身隻雞都好大隻，如果多啲人嚟食就可以嗌多啲唔同嘅食物種類～然後叫咗一份牛魔王拼盤，一個價錢可以品嚐到不同部位，平過分開叫好多😋而且都係超大份，食完彈牙嫩滑嘅牛肉已經有少少飽飽地。美食一浪接一浪，再嚟超正海鮮拼盤，海蝦鮑魚仙貝等超新鮮😍其他配料例如蟶子、鯇魚片等都超級好味，今次唯一係唔夠多人嚟，推介大家帶多啲朋友嚟食返餐好嘅！