來佬餐館 (Moved) New Location

昨晚同一位舊同學一齊慶祝12月共同生辰。一星期前訂了台。所以不用等位。橫裝好似七十年代的西式餐廳。門前有舊時清潔香港的宣傳物垃圾蟲。我們在二樓用餐。點了陽光焗豬扒飯、黑松露野菌意粉及摩登雞蛋仔。先上菜係黑松露野菌意粉。個意粉煮得好彈牙，黑松露係磨成粉狀。混入意粉真好好食。陽光焗豬扒飯有個太陽蛋。個焗飯加咗好蕃茄，食落好開胃。酸味可以刺激食慾。最後上個摩登雞蛋仔，個熱騰騰雞蛋仔上面加個軟雪糕。上面放上幾粒士多啤梨。個賣相已經滿分。分開每粒雞蛋仔混入雪糕一齊食，凍加熱，口感好新奇。好食好特別。值得推介。