Video
Read full review
2020-02-12
29 views
星期六日係屋企閉關左咁耐，今日番工又係時候搵新餐廳試下，今次對我來講係新餐廳，但係其實已經有64年歷史，我都係見佢始創1956 年先入嚟試吓。好耐冇嚟過冰室食嘢，一入到黎忍唔住即刻點左幾樣經典嘢食。點左：雪山常餐1 $46，即雪山沙茶牛肉公仔麵，頂級雲腿午餐肉炒蛋，同香酥丹麥多士，經典芝蛋牛肉漢堡包 $32 同避風塘生炸肶 $28。茶餐個滑蛋好正，滑得來唔會散修修，同埋特別在於佢唔係用普通白麵包嚟整多士，係用丹麥包，焗得脆口加埋一搽落去就溶為一體既牛油，正呀。芝士蛋牛肉漢堡包亦都好有水準，牛肉漢堡似係佢係自己打嘅，會漏蛋漿既煎蛋同埋醬汁令成個包外脆內juicy🤤🤤炸肶果然係生炸，一上碟係熱騰騰既，用刀一切係卡擦聲，清脆既外皮加埋避風塘辣粉，食落更加刺激。食完d tea 之後諗著叫番d 主食，見到有我鍾意既叻沙就揀左檳城叻沙海南雞米線$46,雞係鋪平面，非常吸引。之後見到有個餐牌出左個冬日暖笠笠系列，就揀左蝦乾馬拉盞生啫芥蘭煲 $78同香噴噴臘味煲仔飯 $68一人份量/$98二人份量。本身以為一人份量係講緊一碗飯，點知嚟到嘅時候係勁大個囉鍋😂，本身食咗咁多嘢嘅我哋都真係唔係幾食得晒，另
好耐冇嚟過冰室食嘢，一入到黎忍唔住即刻點左幾樣經典嘢食。
點左：雪山常餐1 $46，即雪山沙茶牛肉公仔麵，頂級雲腿午餐肉炒蛋，同香酥丹麥多士，經典芝蛋牛肉漢堡包 $32 同避風塘生炸肶 $28。
茶餐個滑蛋好正，滑得來唔會散修修，同埋特別在於佢唔係用普通白麵包嚟整多士，係用丹麥包，焗得脆口加埋一搽落去就溶為一體既牛油，正呀。
芝士蛋牛肉漢堡包亦都好有水準，牛肉漢堡似係佢係自己打嘅，會漏蛋漿既煎蛋同埋醬汁令成個包外脆內juicy🤤🤤
炸肶果然係生炸，一上碟係熱騰騰既，用刀一切係卡擦聲，清脆既外皮加埋避風塘辣粉，食落更加刺激。
食完d tea 之後諗著叫番d 主食，見到有我鍾意既叻沙就揀左檳城叻沙海南雞米線$46,雞係鋪平面，非常吸引。之後見到有個餐牌出左個冬日暖笠笠系列，就揀左蝦乾馬拉盞生啫芥蘭煲 $78同香噴噴臘味煲仔飯 $68一人份量/$98二人份量。
本身以為一人份量係講緊一碗飯，點知嚟到嘅時候係勁大個囉鍋😂，本身食咗咁多嘢嘅我哋都真係唔係幾食得晒，另外大欖都真係色香味俱全，蝦乾同馬拉盞嘅香氣透過熱騰騰嘅鍋散發晒出嚟,未食聞到已經流哂口水，呀姐仲會幫手摷混d 菜，令每一條菜都充滿哂馬拉盞味，真係惹味餸飯之選。
Post
