Video
7-min walk from Exit C2, Cheung Sha Wan MTR Station
continue reading
Telephone
52263468
Introduction
Offering a variety of nostalgic Hong Kong-style dishes, includes the Beef Burger with Cheese and Egg, Fried Chicken Leg with Typhoon Shelter Style, etc. In addition to Hong Kong-style flavors, the restaurant also offers Hainanese Chicken Rice and Nanyang Curry Dishes.
continue reading
Opening Hours
Today
06:30 - 00:00
Mon - Sun
06:30 - 00:00
Above information is for reference only. Please check details with the restaurant.
Video
Photos
始祖椒鹽豬扒飯(炒底)
+3.7K
+371
Recommended Dishes
近排老婆辛苦多嘢搞，所以，趁開心星期五就費事煮，做一晚「無飯夫妻」出街食，因為唔喺咩慶祝，就無上啲大餐廳，不過，都想食好少少，就算茶記都搵間有水準嘅，故此就過嚟「雪山冰廳」，因為知道佢哋有好多蒸魚選擇，呢樣真喺啱晒佢。對比上一次嚟已新裝修過，不過，對上一次其實已經喺5年前嘅事，哈哈！今次再嚟，感覺舒服好多，除咗裝潢較新簇，間隔比之前好，燈火夠光猛。一如大多數嘅茶記，調味料、餐具、餐紙早已放齊晌枱面或枱側抽櫃，阿姐亦好醒目，嚟兩杯熱水俾客人洗洗刀叉筷子，而且，都好有禮貌。睇到餐具排列整齊，又夠充足，某程度都睇到啲管理幾唔錯。兩大本餐牌，食物款式包羅萬有，亦喺茶記嘅特色。餐牌過咗膠面，影出嚟有啲反光，好彩喺收銀旁有啲郵寄單張攞，掃描出嚟俾大家參考就一目了然。另外，喺牆上仲寫咗一系列是日鮮魚，有䱽魚、紅鮪、盲鰽、黃花及班仔。唔喺咁多茶記會提供咁多魚鮮菜式，當然要試吓佢哋啦。我哋就睇啱個「滋潤燉湯二人套餐」，因為既有燉湯飲，又可以揀蒸魚鮮，而另一款小菜又可以晌季節小菜嗰度揀。個餐本身就唔包飲品嘅，不過，但就有加配優惠。滋潤燉湯目測所見，好多客人都會揀燉湯飲，果然真材實料，撈一撈就見真章，而是晚燉湯喺淮山杞子椰肉雞腳燉赤肉，湯色濃而不濁，好清澈，入口清甜滋潤，非常好飲。香煎黑松露蓮藕餅小菜揀咗藕餅，因為老婆都幾鍾意食蓮藕，同埋呢類菜式平時我哋都少搞。一客有成7件，仲要件件有番咁上下大件同厚身，煎得甘香唔油，咬落口感鬆化，裡面有唔少蓮藕粒粒，多咗一份爽脆口感，而陣陣黑松露嘅香味，亦令啲藕餅嘅食味錦上添花。豉汁煎盲鰽落單時，侍應都說明蒸魚鮮需要等15-20分鐘，不過，最後都比我哋預期嘅時間快好多，同埋真喺好多人都有嗌蒸魚，未夠8:00pm已經聽到廚房話得番兩、三條。碟煎盲曹嚟到真喺有啲喜出望外，因為好大條，而蒸嘅火喉啱啱好，啲肉無黐骨，非常之嫩滑，又有魚嘅鮮甜味，加上豉汁蒸，令魚鮮味更突出，啲豉汁又可以撈飯，一舉兩得。港式茶走紅豆冰+$15、熱檸水 +$6小弟一向都鍾意晌茶記飲杯奶茶，而老婆就鍾意食紅豆冰嘅紅豆，所以嗌呢杯茶走紅豆冰就滿足到大家。其實奶茶紅豆冰都唔喺第一次飲，不過呢度刻意寫明喺港式茶走，咁你就明白佢喺落煉奶，而非花奶。紅豆嘅份量都唔少，口感又綿又清甜，奶茶嘅茶底幾芳香醇厚，入口蠻順滑，唔錯。整體嚟講，環境舒服，啲阿姐招呼好好，又無話催你走，再者，啲嘢食得吖嘛，啱晒口味，無論燉湯，抑或小菜，以及飲品，都無咩挑剔位，食得稱心，十二分滿意呀！
continue reading
茶餐廳美食款款吸引，好像除了常餐沙嗲牛肉麵以外就最愛下午茶時段！這天來到長沙灣一帶，想來太久沒吃茶餐廳的下午茶餐，就走到這邊非常受歡迎又歷史悠久的茶餐廳吃個飽 避風塘生炸雞脾配紅豆冰 $45店家的人氣美食有好幾款，吃過西多士這次就來吃招牌下午茶：避風塘生炸雞脾配紅豆冰！相信大家對炸雞脾應該難以抗拒，這裡的炸雞脾是即叫即炸，有如手掌般大小的雞脾炸得金黃香脆，表面更滿佈金蒜、辣椒等避風塘炒料，香氣四溢！切開雞脾完全感受到皮脆、肉嫩、多肉汁，還有因為新鮮即炸的關係切開還是會冒煙的！雞肉入口已經略帶調味，再加上避風塘的微辣吃起來超惹味啊！再搭一杯完美的紅豆冰，有沒有人像我一樣喝一杯紅豆冰都要自訂冰量紅豆量跟奶量？自己就最喜歡少冰跟多紅豆的組合，紅豆軟糯香甜，已事前煮至略帶起沙的感覺，配上冰粒和花奶後味道剛好不會太甜，絕對是完全的下午茶組合～經典芝蛋牛堡配迷你肉醬意粉（連熱飲） $62樽仔奶茶 +$9（跟餐價）另一款人氣美食就是芝士煎蛋手打牛肉漢堡啊！除單點以外店家還將這個漢堡搭配迷你肉醬意粉成常餐～ 漢堡份量十足，鬆軟而烘得剛好的麵包，中間夾雜着煎蛋、芝士片跟厚厚的手工漢堡扒！雞蛋煎得剛好有帶心效果，要一讚漢堡肉，手打關係非常軟嫩且有彈性，沒有煎得太熟令口感變得很好，自帶濃郁牛味所以只加入少許調味，咬開有肉汁跟脂香～ 再搭上半溶芝士，味道調得適中，吃得滋味又滿足！常餐基本配有熱飲，來到這店就當然要試招牌的樽仔奶茶啦～ 自多年前戒掉奶茶下糖的習慣以後就絕少喝這類預先調味的奶茶，因為受不了過多的糖份！不過店家的樽仔奶茶絕對可以啊！奶茶入口幼滑，茶味香濃甘醇奶香豐腴，夠冰涼，以樽仔盛載減少因加入冰塊而味道變淡的機會；而且只加入非常少量的糖份，喝起來不會太感受到甜味，非常好喝啊！店員更說這個有不少客人專誠來外帶呢，難怪這個成為招牌店家是一間擁有六十多年歷史的冰廳，之後易手再重新裝修後轉型為新式茶餐廳，現時在長沙灣跟深水埗共開設兩家店啊～ 店內裝潢以現代化為主，座位寬闊坐得輕鬆舒服，始終地方比較大啊！餐單結合經典跟新派美食，性價比高，份量十足，所以無論哪個時段來都是人頭湧湧的，想來吃的話反而要留意一下想吃的在哪個時段供應
continue reading
長沙灣雪山我都食過好多次，不過每次都係食晚飯小菜多D，水吧都食過佢嘅炸雞髀還算可以今日去食下午茶，就去左長沙灣雪山，因為有啲趕時間所以點了個茶餐瑞士雞翼撈公仔麵，等了差不多20分鐘，嚟到見到個面冧晒，一口入口原全係滾水撈麵，瑞士雞中翼有兩隻+1隻蛋，收$45+3凍飲。食大家樂都冇咁難食，撈公仔麵都好難煮得咁難食。一間茶餐廳水吧質素影響好大的，咁大間舖頭咁貴租，出品唔好好難做落去的，之前細舖好有心，好有港式味道，呢家裝修完仲差左。
continue reading
雪山冰廳長沙灣青山道413號東景大廈地下4-5號舖味道評分:☄️(必食之選)>☀️>🌤>⛅️>💨☄️經典芝蛋牛肉漢堡包 $35依個價錢食到有一定厚度的漢堡扒😎仲要有牛味，性價比十足，但有我個人覺得漢堡包必配的蛋同芝士🤩麵包仲要用牛油㶥過，作為下午茶超滿足😌☀️榛子醬西多士 $32隔一段時間就會想念嘅港式味道👅薄薄一層的榛子醬恰到好處，唔會加重西多士的負擔之餘，多咗榛子朱古力甜蜜的味道，開心！☀️始祖椒鹽豬扒飯(炒底) $70有成6塊長條型經醃製既豬扒，豬扒易咬帶有少少椒鹽味，炒底更是非常有誠意，簡簡單單醬油、蛋、少少惹味辣醬的炒飯更好食🤤☀️港式茶走紅豆冰 $25☀️樽仔奶茶 $25茶味濃，但唔會到澀~要飲！
continue reading
今次去到長沙灣搵食，晚飯時間經過見到雪山冰廳就入去試下 。坐低見到佢地Menu ，即刻有選擇困難😬，因為食物種類太多咩都有 ，有喇沙，有泰式有越式，有海南雞，有川味 。最後叫左呢幾樣😋豬頸肉喇沙米線一上枱碗喇沙米線真係好足料，豬頸肉份量勁多，幼嫩又彈牙又香口，2塊長豆卜索晒喇沙湯底超入味 。喇沙湯底好香濃，連湯都飲多幾啖添🤭川渝麻辣自選香鍋+樽仔奶茶個麻辣香鍋有不同配料可自選，而小中大辣又可自由選擇。我地最後揀左豬大腸、田雞同寛粉 。其實都真係一大鍋，足足夠2個人食，豬大腸舊舊都大大件，又好入味 。田雞滾油炸過，有少少脆身，食落好有炸雞翼果種口感，增加幾分香口 。成個鍋加咗白芝麻同芫茜好加分，撈勻之後每一啖都有啲芝麻香，就好似食腸粉加芝麻生色不少 。寬粉有咬口又唔會煮到太爛 。中辣食到中段都真係覺得辣，如果唔太食可辣都可以小辣，已經吊到味同好正👍🏻另外加多左$15 叫左枝樽仔奶茶，呢枝奶茶好鬼出色，茶濃奶香，平衡得好好，小編本人唔鐘意勁奶果d ,無晒茶味，你知有d 奶茶好鬼奶架嘛 😅榛子流心西多西多炸到外脆內軟，裡面滿滿榛子朱古力醬，我想講我地已經無落蜜糖，都已經夠甜👍🏻唔鐘意太甜既朋友，應該就岩晒口味。話說都已經好耐無食過西多，真係好令人回味😋整體食物種類真係好豐富，味道都好岩口味，午餐晚飯都可以一嘗！#香港美食 #香港必食 #香港探店 #香港打卡 #香港旅遊 #香港必喝 #香港好去處 #假日好去處 #搵食好去處 #長沙灣 #長沙灣搵食 #長沙灣美食 #雪山冰廳 #香港茶餐廳 #香港冰室 #深水埗茶餐廳 #茶餐廳 #冰室 #炸雞髀 #红豆冰室香港 #香港椒盐豬扒飯 #西多士 #港式西多士#樽仔奶茶 #港式奶茶 #香港餐廳介紹
continue reading