坐低左一陣都未揀好食咩好， 因為都多選擇、又有唔同既套餐揀， 職員就過黎同我地推介有咩抵食同埋時令，好細心🤣 最後我同女朋友散叫左刺身同埋d燒海鮮， 因為套餐有d野食唔岩食， 所以寧願散叫d鍾意食既😛😛
先打頭陣既係刺身拼盤😍😍一睇到d拖羅就流哂口水，個拼盤好靚， 打卡一流！ 拖羅好肥美、有魚油香👍👍 海膽好甘甜 creamy，但份量唔多😭想再食！ 其他質素就還可以啦，三文魚較為普通。
而個蝦頭店員主動提議可以幫我地炸左佢！ 炸完好香好好食！
跟住店員就拎左碟海鮮黎😍仲專登話比我地影下相先燒😍好貼心！
隻鮑魚仲識郁！夠哂新鮮！
蟹膏好滿好香！ 價值都好合理 ，$88。 配餅同青瓜食都好唔錯！ 冇咁單調同冇咁濟！
跟住黎依個牛油黑松露活帆立貝😍好香！好香！好香！ （重要既要講3次🤣） 真係好香松露味，而且食落去， 帆立貝既鮮甜仲食到，唔會比松露掩蓋！真心值得推介！
跟住有鮑魚，配柚子醬。 依個就普普通通， 味道唔夠，我就點左帆立貝既松露汁食😆即刻好食番！
跟住就有燒蟹腳，一樣係好鮮甜！諗起係日本黑門市場食燒蟹腳既時間😭😭
總捨黎講，磯野水產水準不錯！ 而且野食新鮮！ 食海鮮最緊要新鮮！ 不過價錢上就偏貴，一分錢一分貨😂紀念日食下都接受到！
