OPPA韓國燒肉店 (Closed)

Oppa燒肉放題兩小時，每人300蚊有找！就入嚟啦，感受韓風夜！黑毛和牛舌少少厚硬身。黑毛和牛肩肉好正，軟香好重味！澳洲和牛頸脊有肥牛脂，薄切好快熟！澳洲和牛胸肉，油脂分怖有啲似雪花肥牛。梨泰院牛排骨有骨既肉比較重濃味，少少似叉燒味！黑毛和三角腩好好食！主要油份多多多，包生菜食一流！鹿兒島牛柳粒可一試！好少牛柳粒可以燒完都唔乾同咬到！好多時咬唔到，唔知係咪手勢問題，但依間係咬到！無骨牛肋肉瘦肉比例多d，食多幾件都唔怕邪惡五花籃肉，豬皮一條毛都冇，勁好食！食咗好多牛肉之後，食啲豬肉！可以將芝士燒加去小燒碟到，再自家整芝士肉！韓式排骨芝士燒！小魷魚八爪魚燒多多都食到，就算食平啲嗰個餐都有少少海鮮食！另外有秋刀魚，都唔錯，不過要多油時候燒會無咁易痴底！另外仲有啲菜類。洋蔥圈、雞髀菇、翠玉瓜、鮮蕃茄同埋南瓜。部隊Shake shake飯勁大份，其實就係將所有配菜加落去咁！配菜都可以任叫任加！最後飲埋個人蔘雞湯就飽到上心口！雪糕~嘢飲加錢轉任飲、飲燒酒都得。但要無揸車時，下次有機會啦！