Video
Read full review
2023-09-17
87 views
平時我都比較少飲Sake，因為比我第一印象都比較強烈，又唔似紅白酒咁可以配搭肉類和海鮮。最新銅鑼灣登龍街新開左間Sake tasting wine，標榜每一個人都可以搵到適合自己口味嘅sake，見到咁特別即刻搵埋一班朋友一齊試下。如果直接就搵到自己嘅心頭好，咁就可以叫店員係冰箱直接拎出嚟。如果好似我咁係新手，咁就可以試下「日本酒freestyle」，自己選擇價錢、杯數、口味，然後店員就會根據你嘅選擇揀出最合適嘅清酒比你試。我就揀左$300，6杯，fruity, soft and sweet做要求。即刻睇吓店員會提供啲咩專業推介先。🌟 銀箔西堀純米生酒，口感幼滑，有先甜後辛嘅味道。🌟門外不出同樣係產自同一酒廠西堀酒造，比較特別嘅地方係的米麹混合度比一般酒款高，依款酒會有果香，同埋味道相對比較溫和，會有比較強烈嘅後勁。🌟DATE SEVEN Season 2兩款樽身都勁靚，7隻公仔代表住宮城縣七家酒廠，今次就有其中兩間酒廠帶領釀造。口感相對上比較清爽，亦都有細緻嘅米味，配搭串燒一齊食都一流。🌟 寫樂產自福島嘅寫樂純米吟釀，精米度達50%，飲落充滿果香和花香，容易入口之選。🌟 試驗酒第一次聽
如果直接就搵到自己嘅心頭好，咁就可以叫店員係冰箱直接拎出嚟。如果好似我咁係新手，咁就可以試下「日本酒freestyle」，自己選擇價錢、杯數、口味，然後店員就會根據你嘅選擇揀出最合適嘅清酒比你試。
我就揀左$300，6杯，fruity, soft and sweet做要求。即刻睇吓店員會提供啲咩專業推介先。
🌟 銀箔西堀
純米生酒，口感幼滑，有先甜後辛嘅味道。
🌟門外不出
同樣係產自同一酒廠西堀酒造，比較特別嘅地方係的米麹混合度比一般酒款高，依款酒會有果香，同埋味道相對比較溫和，會有比較強烈嘅後勁。
🌟DATE SEVEN Season 2
兩款樽身都勁靚，7隻公仔代表住宮城縣七家酒廠，今次就有其中兩間酒廠帶領釀造。口感相對上比較清爽，亦都有細緻嘅米味，配搭串燒一齊食都一流。
🌟 寫樂
產自福島嘅寫樂純米吟釀，精米度達50%，飲落充滿果香和花香，容易入口之選。
🌟 試驗酒
第一次聽到依個類型嘅酒，如果依款酒係專比同行飲下，所以係未推出市面，連酒身嘅牌子都未有，係秋田酒嘅一種，具備酸、甜和花香於一身。
🌟Librom茶釀酒
第一次試以茶釀成嘅清酒，遠遠地已經聞到茶香，酒中亦都有氣泡，清爽而有甘味。
總括嚟講，今次體驗適合新手和資深嘅清酒愛好者，大家都會學到更多關於清酒嘅知識，搵到屬於自己嘅味道。
Sake Bar CHU CHU (銅鑼灣)
銅鑼灣登龍街28號永光中心25樓
Post
