🔸雞煲皇牌套餐 $258
🦐和風海鮮雞煲
先上雞煲，材料好豐富呀！除咗雞肉仲有鮑魚、蝦、蜆、豆卜、金菇及紫薯😍辣度就係固定嘅，食落微辣，但個汁好香好惹味😋啲材料吸曬啲汁好正
鮑魚好彈牙，雞肉都幾嫩滑，唔會好鞋口！
🍲火鍋
食完雞煲就可以加湯開始打邊爐啦，先各上一碟牛小排、牛肩胛及豚肉，色澤都幾好！牛小排口感嫩滑，肉味香濃，點麻醬好正😋牛肩胛肉質有咬口啲！
估唔到豚肉都幾正，肥瘦適中，肉質仲有啲彈牙，整體3款肉都唔錯，可以隨便任叫🤗
🥬自助區嘅火鍋配料選擇都幾多，而且擺放得幾整齊，例如一般嘅丸類、蔬菜類、餃類及麵類都有，我食咗粟米、生菜、娃娃菜、南瓜、雲耳、嚮鈴同埋魚皮，都幾好哦，夠新鮮
🥤飲品
選擇都幾豐富，除咗一般嘅罐裝汽水、茶飲、啤酒外，仲有自家製冰糖紅棗燉雪耳及夏枯草！啤酒都有3款呀😝
🍨甜品
雪糕有2款口味，分別係士多啤梨及芒果，仲有泡芙😍好味😋
總結💕3小時任飲任食無壓力，可以慢慢食，傾下計🤗整體質素唔錯，店員服務都幾貼心👍🏻呢日平日嘅晚上都9成滿座，生意唔錯🙌🏻
