熊本牛鍋 (永勝商業中心)

今期發現一間性價比爆燈嘅火鍋小店！同Friend吹水唔使睇鐘，寬敞環境加啤酒任斟🍻，人均280就可以由雞煲食到海鮮拼盤，真正「食到扶牆走」💥。

🍗 暖笠笠雙重雞饗
一坐低就送嚟個惹味雞煲，啲豆卜吸飽濃汁，咬落爆汁超正！跟手再嚟個蟲草花烏雞湯，秋冬飲返碗即刻暖笠笠❄️→🔥，打邊爐前飲啖湯，成個人即刻潤返～

🥟 手打美食誠意滿分
自家手打水餃同丸類係必點！肉質彈牙，落足料👏。自助區有60幾款美食任揀，其中牛肉片肥瘦勻循，淥兩淥就食得，掛滿雞湯精華食落超滿足！

🦐 Like吓送海鮮盤
有個秘技要話你知：Like咗餐廳社交平台，即送免費海鮮拼盤！有齊蒸蠔、帶子、蜆、蝦同鮟魚，全部鮮甜冇沙，誠意十足～

🍺 飲品甜品多到眼花
除咗啤酒任飲，仲有40幾款飲品選擇，包括真露、清邁象啤🍺。打邊爐熱辣辣，飲返杯自家製冰糖紅棗燉雪耳就最啱！甜品控一定要試Dryers曲奇雪糕🍨、藍莓奶凍同Tiramisu，另外仲有少見嘅冰粉同龜苓膏，完美作結。

1

💖 良心小店值得支持
最抵讚係老闆好有心，原來每日都會派飯俾老人家🙏，幫襯食飯等於間接做善事！280食勻雞煲、湯底、海鮮、任食火鍋加無限時任坐，仲有埋良心價，絕對要同Friend encore再encore！