郭仔記粥麵專家

Open Now

Now Closed

下午茶搵嘢食，見到郭仔記門口呢個大招牌，抗疫價$26有五種類嘅麵揀，仲加埋豆漿或汽水，心心眼😍😍我揀咗豬軟骨米線餐，但聽到隔離枱對話，原來手打鯪魚肉係必食，又原來我叫呢個$26餐，都可以再拎張車仔麵紙點多幾樣餸，唔錯喎👍🏻最後就咁啦👆🏻太想食埋蘿蔔同鯪魚肉豬軟骨都好大塊，而且一塊過，無切件，咁樣鹵完d精華就保留住，無嘥。果然好入味，又軟又有咬口，好好食😙蘿蔔👀見到覺得已經整到淋哂，晶瑩剔透咁，食落無渣，好甜，又大舊，車仔麵一定要食嘅餸😬手打鯪魚肉，條條粗幼不一，真係人手整出嚟，無半點鯹味，魚肉比例剛好，唔會好死實，彈彈嘅質地，我諗呢度嘅魚肉碗仔翅都唔錯～魷魚厚身又大片，本身無咩味，但加埋個咖哩汁變咖哩魷魚，成件事就昇華哂，正😇見到個魚蛋、腸粉、燒賣餐都好吸引，下次再食過。