Video
Read full review
2024-08-27
12306 views
今次係第二次嚟Grand Hyatt Steakhouse，上次嚟食體驗幾好，環境舒服又有格調，食物亦都好高水準，所以特登嚟慶祝生日。Maryland Crab Cake上次已經試過個蟹餅，佢個蟹餅外皮煎到好酥脆，裏面好軟熟又有滿滿嘅蟹肉，蟹肉嘅鮮味好突出，呢個蟹餅係我會再返嚟食嘅原因🤭Vegetable Pot Pie上次side dish揀咗Macaroni and cheese，雖然份量唔多但好膩，細細份都食唔晒，所以今次叫咗個南瓜意大利雲吞試吓。意大利雲吞嘅皮厚度適中，但fillings太少，所以食落覺得口感唔好，另外個汁都好重忌廉，所以食咗兩舊都食唔落。Rib-Eye and Roasted corn-fed spring chicken上次試咗Tenderloin ，今次試吓Rib-eye，可能因為多咗油脂，所以食落覺得比較軟腍，同油味豐富啲。燒春雞比起Rib-Eye更加好食，皮脆肉嫩，切落去仲見到有好多汁。配菜叫咗Green Asparagus，蘆筍夠厚身同爽脆。Chocolate Fondant慶祝生日就冇甜品送，自己叫咗個心太軟，Staff就會加塊生日牌落去。心太軟焗
Maryland Crab Cake
上次已經試過個蟹餅，佢個蟹餅外皮煎到好酥脆，裏面好軟熟又有滿滿嘅蟹肉，蟹肉嘅鮮味好突出，呢個蟹餅係我會再返嚟食嘅原因🤭
Vegetable Pot Pie
上次side dish揀咗Macaroni and cheese，雖然份量唔多但好膩，細細份都食唔晒，所以今次叫咗個南瓜意大利雲吞試吓。意大利雲吞嘅皮厚度適中，但fillings太少，所以食落覺得口感唔好，另外個汁都好重忌廉，所以食咗兩舊都食唔落。
Rib-Eye and Roasted corn-fed spring chicken
上次試咗Tenderloin ，今次試吓Rib-eye，可能因為多咗油脂，所以食落覺得比較軟腍，同油味豐富啲。燒春雞比起Rib-Eye更加好食，皮脆肉嫩，切落去仲見到有好多汁。配菜叫咗Green Asparagus，蘆筍夠厚身同爽脆。
Chocolate Fondant
慶祝生日就冇甜品送，自己叫咗個心太軟，Staff就會加塊生日牌落去。心太軟焗嘅時間控制得好，流心效果幾唔錯，唔太甜亦有好濃嘅朱古力味。
#grandhyatt #grandhyatthk #grandhyattsteakhousehongkong #steak #君悅酒店 #扒房
Post
