極の丼戶 (Closed)

去到moko新世紀覺得無咩價錢親民嘅嘢食，而且好多都係連鎖店，無乜選擇，於是朋友介紹我去food court試呢間小店。呢間小店主打丼飯，款式唔算好多，但係都揀到下嘅。因為無乜胃口，所以揀咗唯一嘅素食，就係野菜天婦羅飯。希望將來會有多一兩款素食就好啦。天婦羅炸得夠香脆，有唔同蔬菜，食落唔會太寡淡，有唔同口感。餸同飯嘅份量都幾多，跟餐配多一碗味噌湯，女仔一定夠飽。整體來說，水準不過不失。晚餐時段$59，以旺區嚟講算係咁。