欣賞呢間食店，首先被佢嘅戶外環境吸引，可以欣賞美麗嘅維港景，又可以欣賞尖沙咀街景，坐戶外享受午餐，夠晒舒服！
今日二人午餐，由點心開始，叫咗：-
金菊綻放蝦餃皇，蝦餃夠彈牙！
蟲草花海皇湯餃，夠營養，美味。
之後，再叫咗：-
流心西施炸蝦丸，外脆內軟，流心腐乳醬，有特色！
惹味沙薑手絲雞，雞肉嫩滑。
禮雲子蛋白配白飯，原來係蟹膏蛋白配白飯，正到呢😋
鏞記正宗燒鵝，必食😋😋燒鵝一啲都唔肥，啖啖肉，燒鵝皮脆卜卜，醬汁係燒鵝汁加入花生醬，好惹味😋
清炒豆苗，夠嫩口，好食。
總括食物質素好正，款款都係用心泡製。
侍應服務也值得一讚，給予客人安心享受午餐。
立春的第一餐，好的開始👍🏻
1
1
