古早味台灣原味 (Closed)

行街時都諗緊今晚食乜嘅時候，街邊有位姨姨派傳單，咁我地都想食下台灣菜，咁於是就搭LIFT上黎試下。上到去都見原來都好多人等緊位咁啱職員話有BAR枱2人位問我地介唔介意，咁我地唔想等太耐，於是就決定坐BAR枱位。BAR枱環境，可以望住水吧職員沖飲品同整甜品，都幾得意而喺枱底下面佢有個鈎可以將個袋勾住，咁就可以坐得舒服少少喺枱面張墊枱紙，見到有解釋咩叫古早味，真係長知識因為行街時已經食左D小食，見唔係太肚餓，所以淨係叫左 花枝蝦排($38)，古早味牛肉麵($65)，農家蓋飯($68)大合照花枝蝦排，上菜時有2大件，佢本身已經切好件，方便食。外面炸得香脆但唔油膩，而佢係用花枝滑混埋D蝦肉喺入面，食落爽口彈牙古早味牛肉麵，一黎到先試下佢個湯，佢個湯的確整到好似我以前台灣食到嗰隻味味道夠香濃得黎略帶少少辣味，飲落唔係味精湯。牛肉都算大塊兼且夠厚身，味道食落都好香牛肉味，不過略嫌稍微硬左少少煮得唔夠淋。麵就用返扁身粗麵，呢隻掛湯食一流農家蓋飯，佢呢碗飯樣樣都有D，包括滷蛋、蝦、肉件、台灣香腸、魚塊、滷肉同菜，絕對啱晒心大心細唔知食乜好嘅朋友食落發現其實都幾大碗下，佢D滷肉撈埋D飯一齊食味道啱啱好，