Video
Read full review
2016-02-18
398 views
2016.02.04 【2.4 食福，係要行多步~滋味行TASTY ROAD】MS.C 1月初就約定我去九龍食飯，由於上年轉番港島工，多咗喺果邊飯聚，分分鐘我熟銅鑼灣多過旺角，但MS.C誠意拳拳，就約定了改不了，同佢去MK覓食啦。到咗MK MTR E出口等，佢邊行邊話帶我去食拉麵，唔係樓上舖，試下到地底尋寶，聽佢FD講，呢間拉麵店坐得幾舒服，唔會太侷限，我份人覺得出嚟食飯，最緊要3條:食得回味，坐得舒適，傾得開心。所以，地廣天高跟MS.C去到處走因為食福，係要行多步，望到啲相，都有啲信心入到去，都幾光猛，同我之前去嘅拉麵舖唔同，情侶、同學、朋友、一家大細食客都有，心忖:應該人人都搵到啱食嘅嘢，試咗好食，下次可以約人嚟食。因為我都算係有要求嘅人，約人食飯，一定要試過好，先敢帶人去，當然，如果人約我，我就唔會咁多要求，賞面嘛。MY MEMORY，我N年前日記的封面DESIGN其實佢係MENU。玩吓IG/FB就可以有MR. WEATHER送嘢飲OKAY喎，(只限我哋呢啲機不離手嘅人，對長輩們，我哋代勞好啦~)最鍾意呢句:"本店有免費WIFI"馬上連接夠爽快嚟拉麵店，一定要食拉麵，我要咗築地叉
MS.C 1月初就約定我去九龍食飯，
由於上年轉番港島工，
多咗喺果邊飯聚，
分分鐘我熟銅鑼灣多過旺角，
但MS.C誠意拳拳，
就約定了改不了，
同佢去MK覓食啦。
到咗MK MTR E出口等，
佢邊行邊話帶我去食拉麵，
唔係樓上舖，
試下到地底尋寶，
聽佢FD講，呢間拉麵店坐得幾舒服，
唔會太侷限，
我份人覺得出嚟食飯，
最緊要3條:
食得回味，
坐得舒適，
傾得開心。
所以，地廣天高跟MS.C去到處走
因為食福，係要行多步，
望到啲相，都有啲信心
入到去，都幾光猛，同我之前去嘅拉麵舖唔同，
情侶、同學、朋友、一家大細食客都有，
心忖:應該人人都搵到啱食嘅嘢，
試咗好食，下次可以約人嚟食。
因為我都算係有要求嘅人，
約人食飯，一定要試過好，
先敢帶人去，
當然，如果人約我，
我就唔會咁多要求，
賞面嘛。
MY MEMORY，我N年前日記的封面DESIGN
其實佢係MENU。
玩吓IG/FB就可以有MR. WEATHER送嘢飲OKAY喎，(只限我哋呢啲機不離手嘅人，對長輩們，我哋代勞好啦~)
最鍾意呢句:"本店有免費WIFI"
馬上連接夠爽快
嚟拉麵店，一定要食拉麵，
我要咗築地叉燒拉麵，
我貪佢冇溏心玉子，
麵質唔錯，彈牙，
叉燒唔肥，但香。
呢個60幾蚊嘅拉麵絕對唔比近100蚊嘅差，
推介愛拉麵人士。
MS. C 豚骨湯叉燒拉麵，有半隻溏心玉子，啱佢。
望落個湯底黑色，
會有啲驚，
但我試咗，
又幾香。
其實，日式食店，有啲韓國口味，
對我呢啲韓迷嚟講，
絕對係賞心樂事 =)
以下2個DISHES
好明顯係我叫:
日皇炸雞
(雖然佢個名係呢個，但喺我心目中，佢係都敏俊/千頌伊炸雞 =P )
好脆好香，
點芝麻醬/泡菜辣醬，又有另一番滋味。
泡菜餃子雞翼，當雞翼係餃子，釀泡菜入去，
尚宮娘娘/OPPA味道就出哂嚟。
真心想問佢嘅Kimchi辣邊度買?
知道去買番樽，放喺屋企整拌飯。
LET US 燒燒燒(串)燒百媚千嬌
蝦，係我一生中最愛，
唔叫唔得。
燒巨虎蝦
大大隻
用手食，
啖啖肉，
新鮮彈牙，
讚!
12吋特長串燒古語有云:
一寸光陰一寸金
寸金難買寸光陰
小妹曰:
一寸大蔥一寸牛
12吋串燒盛惠38
老實講，生大蔥，我就唔會食，
因為辣，
但串燒係我至愛，
燒過嘅大蔥，不單唔辣仲好甜，
配埋好肉質嘅牛，
一流。
蒜香燒帆立貝皇用牛油、芝士同蒜頭調味，
加上大大隻，
肉汁多得很，
唔飲埋佢，
實在對唔住貝皇，
我絕對唔會浪費嘅，
所謂唯有美食同美女不能辜負，
作為美女，
自然唔可以辜負美食。
燒大蚌呢個唔講唔得，
大隻得簡直似蚌精，
呢隻大蚌鮮甜厚肉，食過呢隻，以後大概唔會食其他細蚌
(開始挑剔，無法啦~要減肥，唯有食精啲啦)
左:MS.C 貴為綠茶忠實FANS，所以佢呢杯係泡泡綠茶泡泡綠茶=雪糕+綠茶，MS.C表示非常好飲
右: 我係芒果閃電，作為芒果控嘅我，
好欣賞佢放咗芒果布甸同芒果啫喱，
增加呢杯飲品嘅口感，好飲。
CHEERS祝大家猴年行大運，
身體健康，
心想事成，
工作順利，
家庭幸福，
愛情美滿。
Post
