Ying Dining

想食片皮鴨，見到佢$168就去試吓。其實以呢一個價都冇咩好投訴。

一早喺OpenRice訂咗枱。最怕係有啲餐廳冇得訂枱要去到Walk in排隊。呢間有得預先訂枱就揀呢間。食片皮鴨唔需要預訂。餐廳環境係一般傳統酒樓。感覺好似去返細個嘅時候同親戚去飲茶咁。晚市冇咩人。book咗7:00嘅枱，由我入去到我食完走，餐廳都唔滿。侍應嘅服務態度好好，親切，有禮貌。因為唔多人，唔會好嘈，亦都舒服。

四個人，叫咗五個餸。有炸鮮奶，片皮鴨，椒鹽鮮魷，冰鎮咕嚕肉，同埋酸菜魚。

個炸鮮奶嘅味道似係韓國香蕉牛奶嘅味道。如果唔鍾意食香蕉嘅人，就唔好叫啦。

2

炸奶

片皮鴨$168 ，所以對佢嘅要求唔係好高。個皮脆脆地。鴨香唔重。反而佢嘅胡椒味幾重下。我覺得過得去啦。再唔係，我當佢係一隻無骨嘅燒鴨咁食。

片皮鴨

$168

冰鎮咕嚕肉幾好。鍾意佢完全冇骨。

冰鎮咕嚕肉

椒鹽鮮魷嘅魷魚細細粒 炸得唔係太脆。但係都香口嘅。配飯一流。

個酸菜魚一啲都唔辣。適合啲食唔到辣嘅人。

酸菜魚

買單大概每人$200。