神戶屋日韓放題

Open Now

Now Closed

前晚去咗旺角行街，見到兆萬入面有得食大閘蟹放題，仲有任食燒海鮮同刺身，一於試下🥰 🦀大閘蟹升級放題 $499/位呢個套餐可以任食3至4両嘅大閘蟹公同蟹乸，仲有蟹粉小籠包、蟹粉扒時蔬、蟹粉蟹肉蒸蛋等等。😋 另外仲有任食燒海鮮，例如蒜蓉粉絲蒜大元貝、香辣燒生蠔、鹽燒大虎蝦等等，呢啲都係升級大閘蟹套餐先有，想任食大閘蟹同燒海鮮嘅朋友仔一定要升級٩(˃̶͈̀௰˂̶͈́)و大閘蟹即叫即蒸，等咗十分鐘就有第一輪(⁎⁍̴̛ᴗ⁍̴̛⁎) 蟹乸同蟹公都爆晒膏，蟹公好多白膏，好甘香。😋😋 店員仲好貼心俾咗枝蟹醋我地，仲有手套、濕紙巾同較剪，怕大閘蟹寒涼嘅朋友仔仲可以飲黑糖薑茶驅寒。♪(´ε｀ )刺身方面升級放題仲可以任食生蠔同海膽，生蠔好大隻，海膽好鮮甜唔腥。三文魚好厚切，馬刀貝爽口，牡丹蝦好大隻鮮甜。另外普通放題方面就叫咗幾款火炙壽司、黑松露壽司、黃金芝士燒廣蠔、鐵板一口和牛粒、鐵板紐西蘭羊架、芝士燒黃金沙律開邊蝦、燒牛舌、芝士蝦春卷等等。佢地嘅燒牛舌好厚切，燒得好香口，必食😋😋 最後仲食咗Movenpick 雪糕🍦，超飽肚。