647
21
47
Exit B, Mong Kok East MTR Station/ Exit A2, Yau Ma Tei MTR Station continue reading
Telephone
27701000
Opening Hours
Today
16:30 - 02:00
Mon - Thu
16:30 - 02:00
Fri - Sun
12:00 - 02:00
Payment Method
Visa Master Cash UnionPay Alipay AlipayHK
Number of Seats
100
Other Info
Online Reservation
Open Till Late
Alcoholic Drinks
Phone Reservation
Reward Dining Points
Delivery
10% Service Charge
Spot payment
About Reward Scheme
Review (797)
今日放假,我就約左朋友去神戶屋食個放題。呢間餐廳鄰近旺角地鐵站,非常方便又易搵,因我地去果陣係午餐時間,所以餐廳都好旺場位,好彩我地有book位。我地一開始就點左刺身黎食,我地叫左三文魚、松蟹棒、北寄貝、象拔蚌、甜蝦等刺身。鍾意食刺身既人就一定要黎神戶屋試下,因為呢間餐廳有超多款既刺身任君選擇,全部都非常新鮮,而我就推薦大家食呢度既三文魚和北寄貝刺身。啲三文魚刺身唔單止好肥美,仲係魚油脂香,而北寄貝刺身就食落口感爽彈,好正!正因為啲刺身太好食,所以我地都食左兩round刺身。係手握壽司方面,我地就點左火灼三文魚壽司同埋火灼沙律三文魚壽司,用火灼過既三文魚聞起上黎既味道真特別香,同埋啲三文魚仲要入口即溶,壽司飯都調得剛剛好,食落真係超好味。我地仲點左鰻魚手卷黎食,一大塊鰻魚斜放在醋飯上,鰻魚肉質結實,味道鮮甜,而且紫菜能保持脆身,值得一讚! 不得不說呢間餐廳既上菜速度真係好快,而且店員既服務態度都非常好,冇漏單既情況完全冇出現過,係放題餐廳黎講真係好難得。我同朋友都好欣賞呢間餐廳既食物,仲話新年果陣都要再黎食多次。 continue reading
(The above review is the personal opinion of an user which does not represent OpenRice's point of view.)
Level4 2018-11-30
7959 views
呢日心癮又起,好想食放題,於是又約齊班朋友去狂食先! 食放題就緊係要食刺身啦! 先嚟一個海膽刺身,海膽都幾鮮味,放入口中溶化晒,刺身類別都有很多種,有三文魚、甜蝦、松葉蟹鉗、泰式生蝦、松葉蟹棒、厚燒玉子、珍寶帶子、象拔蚌、天使蝦、有頭甜蝦、希靈魚、鮑片、激巨赤蝦、迷你北寄貝同八爪魚刺身。刺身類別都算新鮮好味,而上桌時間也很快,我同朋友食咗幾轉! 清酒煮蜆味道都唔錯,清清地之餘帶有少量酒香。炒蜆夠晒入味,豉汁好惹味,亦帶出蜆肉嘅鮮味。牛肉鍋嘅牛肉肥美, 牛味香濃,一啲都不肥膩。燒蝦食落有蝦味,質素都唔錯。天婦羅唔會好油,薄薄一層粉漿剛好。食完咁多肉,就食返啲沙律中和吓。飲品係任飲自取嘅,甜品都係,另外,除咗本地雪糕外,仲有大量韓國雪糕雪條任食。 continue reading
(The above review is the personal opinion of an user which does not represent OpenRice's point of view.)
Level4 2019-01-02
2974 views
小週末,想同父母一齊出去食餐特別D,預早了一星期BOOK位! 起初見OPENRICE有咁多個笑哈哈,心諗應該唔會伏點知......係我地食過咁多間之中,最差差差。當晚6點9,在樓下已經見到幾個職員去派單張招客。爸覺得可能因為唔掂,先要不斷兜客,心不敢抱寄望。上到去,還未坐滿,雪糕櫃放在升降機前,應該都係環境太細關係。職員安排我們去卡位,又仔細介紹一下有火煱、海膽/生蠔贈送我們點了壽喜燒,牛肉好鞋。即使有點餐紙有火煱配料揀,但我們都沒有叫過,因為主要想吃刺身。第一籃刺身好快就送上。海膽/生蠔都到了! 貨色非常一般,刺身叫了一次都唔想再來。馬拉盞炒通菜、炒蜆、一口和牛、魷魚鬚、清酒煮蜆,全都是凍的!瑞士汁雞翼、燒海蝦,肉質都是脢!韓式的牛栢業和帆立貝、牛舌,醬汁都濃過頭,調味也不好吃!雞軟骨的味道都不好!一口豆腐、芝麻雞翼和蝦卷,是比較可以,起碼是熱的。諗住冇野好吃,也叫蟹粥頂肚,稀得來都係唔熱!!!!壽司方面,只是叫了幾款,起初不敢叫咁多,好吃的再ENCORE、可惜,只有一轉....蟹籽未上枱已經掉晒,扣分吧!生食物唔太OK,神戶和牛卷比較安全。 其實都唔係食左好耐,因為D野上的好快,但好快已經係LAST ORDER。第一次落單,有幾款前菜都未到,其後再畫,都依然沒有來。炸天婦羅,皮又厚又淋。榴槤炸蛋在吹單的情況下到,味道不是強烈,雖然脆口但又唔係好好食!其差的是炸雪糕,一放落口就吐。再一吹單之後,心太軟係實心的。牛油焗菇太重牛油味,好肥。日式炒雜菜熱上,未飽的情形下,快速KO。雪糕時間到,爸食了韓國水果雪條; 我食韓國芝士蛋糕味雪條、迷你雙色雪糕杯、榴槤雪條。芝士蛋糕味雪條係其他放題都見過,但第一次試,非常好食!整體來說,這個價錢食到咁差,真係好唔值,除了雪糕,都唔知有咩係值得叫。幫趁同級的放題,相信會食得好好多囉!!!!!!今次都唔知係咪信錯食評了!!!! continue reading
(The above review is the personal opinion of an user which does not represent OpenRice's point of view.)
Level4 2018-11-22
5531 views
人真係好奇怪,每隔一段時間就突然間好想食某一樣嘢,呢排就好想食放題,最方便梗係黎兆萬,上次試咗其中一間,今次俾個機會另一間,來到八樓嘅「神戶屋」。食慣放題嘅都知係點order法,入完首輪刺身後,再點其他熟食,呢度除咗日本嘢外,亦有韓國及東南亞料理。除咗首輪刺身外,每人亦可以揀生蠔或海膽刺身一客,我地選擇咗生蠔,生蠔大隻及新鮮,入口海水味唔太重。首輪刺身好快就上檯,擺設及賣相非常吸引,每一樣都非常新鮮,厚切三文魚油脂味十足,各款生蝦及甜蝦亦鮮甜彈牙,而甚少食到嘅松葉蟹鉗亦好好味。天婦羅炸漿鬆化,每一樣都熱辣辣,當中炸蝦尤其爽口。炸物即叫即炸,一咬落去真係有煙冒出,當中炸廣島蠔夠大隻,入口多汁,而炸冬菇唔會炸得太乾,入口外脆內軟。熟食試咗一口和牛粒,入口肉質鬆軟,用青椒及蒜炒過後非常香口惹味。食到口乾乾,都想叫返碗湯飲下,人蔘雞湯味道夠濃,雞肉煮得唔會太爛,唔錯。飲品有各式各樣汽水、韓式飲品及啤酒,連平時比較少有嘅維他奶及檸檬茶都有,總有一款岩你口味。甜品有雪米糍、各款雪糕雪條及豆腐花等等,但我地已經飽到食唔落了。埋單二百零蚊,可以食兩個鐘食到飽飽,同朋友聚會就最適合不過啦。 continue reading
(The above review is the personal opinion of an user which does not represent OpenRice's point of view.)
Level4 2018-11-01
5103 views
這晚跟老公🍋在旺角附近閒逛🛒,還沒有想到晚餐要吃甚麼時🤔,突然有人放了一張宣傳單張在我們手中😳,那就不要想太多吧🤣。店內環境明亮舒適😲,絕對不會有侷促感😁。點餐紙整齊的排好😌,款式之多不容置疑👍。刺身拼盤🌊:每款都點了一點😁,滿滿的一盤🤩,當中包括了象拔蚌、鮑片、甜蝦🦐、珍寶帶子、天使蝦、希靈魚🐠、松葉蟹棒🦀、北寄貝🐚、泰式生蝦、三文魚🐟、松葉蟹鉗等等💖,每款都鮮甜味美😋 ,新鮮度滿分💯!壽司🍣:芥辣八爪魚軍艦是必點的吧🦑!另外也點了幾款的火炙壽司🔥,三文魚腩非常肥美😍,油脂豐富香濃🤤。酥炸雞軟骨🐔:爽脆的口感😋,加上香辣的味道🌶,以它作為佐酒小菜🍻,簡直一流👍!日本和牛賀喜燒🍲:湯底鮮甜💖,牛肉大大片的🐮,鋪滿了一整鍋🤩,肉質細嫩😋。總結:食物款式多元化✨,加上價錢合理💵,性價比不低喔🈵~ continue reading
(The above review is the personal opinion of an user which does not represent OpenRice's point of view.)