馬祖 (將軍澳廣場) (Closed)

同好朋友約會，揀咗去將軍澳廣場馬祖一人一鍋打邊爐，任飲任食之外，時間仲有120分鐘，慢慢食住傾計時間好充裕，唔似其他放題得90分鐘，最後仲有時間食到雪糕，感覺很舒服。我地叫咗Prime Garde牛肩胛肉放題套餐，包括任食Prime Garde牛肩胛肉、西班牙無激素豬肉片，自取台灣沙茶牛肉、雞腿肉、魚柳和多款丸類、麵食及蔬菜，任飲的飲品都超多款，仲有多款雪糕雪條，超級滿足。湯底一人一鍋，叫咗藥膳椰子清雞湯和藥膳養生清雞湯，湯底有多款藥材，一上枱已經有濃濃的藥材味，真材實料絕不馬虎，要介澱粉質的我地無食到粉麵，叫咗四碟牛和四碟豬，仲有大量蔬菜，已經夠晒飽肚。Prime Garde牛肩胛肉雪花紋均勻，燙幾秒就食得，肉質結實富有彈性，肉汁非常豐富，最適合打邊爐；西班牙無激素豬肉片較爽口彈牙，無激素安心食用；丸類最鍾意係芋頭丸及魚腐，特別丸類有芝士小籠包及芫茜燒賣，在外面較少有。