串Grill 自助燒烤專門店 (廣華街) (Closed)

今日約左朋友食串燒，首選位於旺角既串Grill, 除左因為地點就腳之外，仲係因為佢既性價比高。價錢唔貴但係串燒種類多，而且有水準。餐廳面積雖然唔算大，不過都坐得舒服，而且觀察到餐廳既衛生情況唔錯，見到職員好注重整潔。呢度既串燒真係岩晒懶人黎食，只需要放想食既串燒係爐上面就會自動轉，最岩懶人同中意雞啄唔斷吹水既朋友，超級方便呀！食物方面，非常之推介佢既腩肉串，燒出黎好香，仲有油甘味，非常惹味。另外，燒豆卜都唔錯，燒耐少少就有卜卜脆既效果，yummy!