98
6
10
7-min walk from Exit A2, Yau Ma Tei MTR Station continue reading
Telephone
68865886
Opening Hours
Today
17:00 - 02:00
Mon - Sun
17:00 - 02:00
Payment Methods
Cash
Other Info
Wi-Fi
Open Till Late
Alcoholic Drinks
Parking
Phone Reservation
10% Service Charge
Signature Dishes
澳洲和牛任食
Review (130)
Level4 2020-05-30
0 views
難得今日早放工,有個同事即興約我有無興趣去食下放題串燒,日式放題或者火鍋放題就聽過,但串燒放題都有?見咁得意就一於去試下!去到餐廳門口大約5點半呢個時間已經坐滿一半,睇黎呢到一d都唔簡單!$198足2個鐘既串燒店雖然選擇唔算好多但勝在有齊豬,牛,雞同海鮮都有.。餐廳好貼心咁送上圍裙防油彈.串燒以一串串放係木盤上上枱,串燒串得夠札實,就算放係燒爐上亦唔會燒燒下甩左出黎.單係每款肉類都有幾款選擇,作為牛魔王即我堂然係點晒牛肉先.先試M6和牛牛柳,牛西冷,牛肋腩同牛舌,牛類肉質都幾軟腍,唔會有筋,燒出黎亦唔會好乾而且內裏仲帶有肉汁.牛舌咬落爽脆充滿油脂香.烤雞粒好特別,感覺係似燒緊雞肉丸,外層輕輕炸過,入口內裏既雞肉幾滑而且好香雞味.雞卷肉用左雞皮包住雞肉,正正方方咁,燒好後雞皮變得好脆咬落外脆內軟.燒好既雞皮食落一d都唔油膩反而令份雞卷肉味道更香更惹味.魚肉年糕燒熱後變得脹卜卜,內裏既年糕會跟隨住魚肉彭脹令兩邊既年糕凸出黎,入口先食到魚蛋既爽彈,之後到Q軟既年糕入口煙煙韌韌.食到咁上下當然要食返甜品,雖然只有棉花糖,個對於燒烤黎講單係棉花糖就已經好足夠.棉花糖比較易溶所以要一邊燒一邊睇實,入口好香軟,外脆內綿. continue reading
(The above review is the personal opinion of a user which does not represent OpenRice's point of view.)
Level4 2020-03-27
3933 views
成日都會周圍去試新嘢,今日經過旺角嘅廣華街,就見到呢間「和你燒」,價錢合理,唔駛諗即刻入去試啦! 因為我未玩過自動串燒機,心情好興奮!一入到去就見到呢個鬼馬包裝嘅濕紙巾,笑咗。首先會先嚟一盒指定串燒,等你樣樣試少少,啱食就可以encore~飲品可以喺出邊隨便任攞。韓式梨汁燒烤醬、泰式魚露、沙嗲醬,沙嗲醬味道濃郁,我最鍾意係韓式梨汁燒烤醬,甜甜地又惹味。仲有當然要用埋燒烤必備嘅孜然粉。串燒燒到六七成熟就可以加日式燒汁。睇吓有好食先。串燒機會自己一路轉一路燒,燒得好均勻,輕鬆方便。 望住佢燒到金黃色就可以食,手殘都可以燒出美味串燒啦。燒雞皮已經燒走大部份雞沙,變成脆卜卜,正!M6和牛牛柳係回本之選,牛肉味幾濃香,又帶點油脂。燒菠蘿高纖維又香甜,仲要可以去除油膩感,食左好多。甜品有燒雞蛋仔、棉花糖,梗係要試啦。最後一人仲有一杯雪糕添。食食吓兩人加埋食左成六十串,每人先二百幾蚊,比喺出面啲串燒舖真係平好多,好抵食呀! continue reading
(The above review is the personal opinion of a user which does not represent OpenRice's point of view.)
Level4 2020-03-18
2131 views
廣華街好多食店,要食串燒當然去這間。星期日happy hour時段$228加一,2個鐘任飲任食,超值👍。而且真的是和你燒🤗。將串燒上的鋸齒對應放在串燒架的運行齒輪,串燒就會自動轉圈,等燒熟就吃得,正呀😍。第一次吃的話店員會細心講解,所以好容易就懂✌️。還有提示卡教你每種食材大約燒幾分鐘。店員還教食材6,7成熟就可塗上日式燒汁,吃時可隨喜歡加醬汁:泰式魚露、沙嗲醬、韓式梨汁燒烤醬或調味料:海鹽、孜然粉等。各有滋味,絕對不能錯過😋。一開始會事先呈上一盤食材,原來為了讓我們點餐時已經可以燒著吃,好细心🥰。食物種類多樣,在點餐紙填上所要的數量就可。另外上菜的速度很快,超讚👍。飲品就自己出去雪櫃自取,都很方便。肉類很新鮮,沒醃製過的,可以品嘗最真實味道和質感。之後再選擇用什麼醬料或調味料去提升味道層次。肉類開頭燒得比較乾😅,喜歡用梨汁去增加水潤感和甜度。後來掌握了時間控制,就試海鹽,都很讚。牛豬每個項目都不能不試,包會食得開心試得開心😋😆。腸仔、丸類用沙嗲醬都好味,有沙嗲風味但不辣。鯖魚本身已經好鮮美,但加了泰式魚露就多了酸辣口感,鮮味加惹味,食過番尋味😍。另外菜類和冬陰公魚塊、魚肉年糕深得我們喜愛。菠蘿、車厘茄新鮮juciy。秋葵鮮爽,冬陰公魚塊辣得惹味,魚肉年糕口感一流。綿花糖不1用多講,大人細路都喜歡😊。最後like facebook還有雪糕送。好滿足。這裏環境舒服,枱面大,舉手投足都不拍撞到。食材放在架上,整齊一列,很方便。一入來會幫你噴搓手液,枱面有濕紙巾、紙巾。還會問你要不要圍巾。想食得開心和安心,下次我也會來這裏,還要book定位😆。 continue reading
(The above review is the personal opinion of a user which does not represent OpenRice's point of view.)
Level4 2020-03-10
1561 views
同朋友一直都好想黎試下呢間串燒放題,由一月開始約,一直都約唔到。。。直到三月頭既呢一日終於約得成~~~由於而家非常時期,都好驚放題呢一類會同一時間太多人一齊食野,而且鋪頭都比較細,所以我地book左好早,5點就食,食兩小時。食材選話多唔多,話少唔少,有基本既豬,牛,雞,仲有丸類,蔬菜,腸等等。一開波我地就叫左全部肉黎燒~~~個爐既發熱線係兩邊,並唔係直接係食物下面既~而且有齒輪自己轉動,唔需要自己郁手燒啲串燒,十分方便!醬汁有三種,沙爹醬,韓國梨汁燒烤醬同泰式魚露。私心推泰式魚露~配菇類同雞翼都幾正~另外仲有辣椒粉,孜然粉,鹽等等,我基本上都淨係鐘意點鹽食肉~牛肉普通,有一款比較硬,但係另外又有一款比較好食,因為無分開叫,所以唔知邊款打邊款哈哈!牛舌好食,唔韌,幾彈牙。豬五花好好食!!!肉味香,而且咁樣燒迫左佢本身既油份出黎,相對黎講無咁油之餘,豬皮同豬油個層都好香口,瘦肉部份都完全唔會韌。雞翼正常發揮,但雞軟骨同雞皮我就覺得咁樣燒好似無咁正,因為始終唔係炭火直接係下面燒,會唔夠香脆。羊卷肉都幾好食,我覺得幾有羊味,肉質都唔會好乾硬。菜類方面,菇類最突出,咁樣燒又好食!豆卜都幾得意,燒完之後個面有少少脆,入面唔會乾哂,幾正。菠蘿自己私心推哈哈。飲品方面有大路既汽水,道地既水果味茶類飲品,同少量鴻福堂出品,都算照顧到唔同人既需要~話時話食到中途已經好full,果然好受歡迎!仲有一樣好重要既野,可能係因為佢無乜油煙既燒烤方式,食完出黎個身完全無味,讚! continue reading
(The above review is the personal opinion of a user which does not represent OpenRice's point of view.)
Level4 2020-03-05
837 views
平時同朋友去聚會,任飲任食既日韓放題就試得多,今日朋友介紹我去試一間好特別既串燒放題<串Grill>,除左可以任飲任食之外,仲要係衹需要將串燒放在烤肉機上,就會自動燒烤,真係啱曬我地呢d愛燒烤,又愛食串燒既懶人。餐廳非常乾淨衛生,一入到去,就會提供消毒潔手液比我地清潔雙手。之後會預先安排一部分串燒比我地試一下,亦細心地教我地點樣放串燒上自動烤爐上燒。自動燒烤爐非常容易用,衹需要將串燒放上去,佢就會自動自己燒。我地放曬d串燒上烤爐到,同朋友傾下計,然後加上自己喜愛既調味醬汁,話甘快,幾分鐘就食得啦!!~食完第一轉,就再加單order第二轉,餐廳效率好快,落完單吾洗等好耐,d串燒就好快送到!!一來就5層高,好驚喜呀!!每次都可以一次過燒好多串,而且烤爐好夠熱,所以都燒得好快,啱曬大胃王食肉獸!!將串燒燒到七成熟左右,就可以塗上餐廳既自家制蜜糖燒汁。由於串燒本身沒有太多調味,我地可以按自己既喜好來加上調味料,出來效果亦吾會太鹹,非常好食。燒完仲可以放係爐架上暖住d串燒,keep住個溫度。食物種類有好多選擇: 美國豬肉眼, 荷蘭豬五花腩,芝士腸,辣肉腸,多春魚,多款肉丸等。所有食物水準都吾錯,肉類新鮮,肉質吾韌,而豬五花腩肥瘦均勻,燒得香口惹味。M6和牛牛柳粒燒完好juicy同充滿牛味,亦吾鞋口,入口啖啖肉。燒蕃茄同燒菠蘿都鮮甜多汁。鯖魚肉質實在,好香口。燒棉花糖好棉好甜。調味醬汁有魚露,沙嗲醬,韓式莉汁,仲有不同既香料調味粉可以選擇。我就最愛沙嗲醬同韓式莉汁,同燒肉味好夾,惹味得來又甜甜地,非常好味。最後仲有雪糕送呀!~自助飲品櫃亦有好多選擇,汽水,果汁,果茶,豆漿,菊花蜜,百香果蜜等。餐牌上仲細心甘教你每樣食物大概要燒幾耐,保正吾會燒過火,值得一讚!!~我地食平日早割時段,7:30pm前離坐,120分鐘任飲任食都係$198,足足食足2個鐘,完全冇停口,真係真心抵食,<串Grill>一定會成為我既bbq飯堂!!~由於抵食又好食,平日7點半左右已經坐滿人啦!!~不過餐廳吾算好大,建議大家最好都係訂定位先去,甘就吾洗等甘耐位啦!!~ continue reading
(The above review is the personal opinion of a user which does not represent OpenRice's point of view.)