甜記餃子

Open Now

Now Closed

又係Bookmark咗好耐先去嘅食店。原本諗住去新開嘅太子分店，諗住地方大啲好坐啲。好彩臨去前睇吓佢哋個IG先知道太子店暫時只提供外賣，咁我唯有去旺角店啦。平日午飯時候堂食唔算多人，反而外賣就冇停過，兩三個店員要同時應付堂食及外賣客，忙個不停。我嚟呢度係一心想食餃子，餐牌上嘅麵餐、小食我都冇理，專心咁揀餃子😬😬 店家提供總共12款餃子，大部份餃子含有豬肉，另有雞肉、牛肉連羊肉都有！▫️湯餃子(HKD42/8隻) - 可以選擇1或2款口味，湯底亦都有兩款俾你揀。研究咗個餐牌一段時間後終於決定試「椰菜冬菇雲耳豬肉較」及「粟米芝士雞肉餃」😂😂 呢度嘅餃子皮薄多餡，無論邊款口味都好，餃子總係俾啲餡料塞到漲卜卜。「粟米芝士雞肉餃」味道就濃啲，可能因為有芝士嘅關係。另一款「椰菜冬菇雲耳豬肉餃」，內餡有幾多椰菜絲，雲耳好爽口。兩款湯餃子配番茄薯仔湯，味道都幾清甜，鍾意食辣嘅話可以將菜脯加入湯一齊食，會令到湯底嘅味道提升不少。另外叫咗支熱豆漿 (+$10)⭐️我2月尾去旺角店堂食，出post前再睇吓佢哋個IG先發覺原來全線店鋪而家暫時只係做外賣咋。