一盛極牛 (Closed)

今日經開尖沙咀見到用牛做湯底嘅拉麵店，其實我都好少食開牛骨湯底嘅拉麵，食開豬骨湯底拉麵嘅我哋，超級好奇，拉麵控嘅我哋當然唔執輸，一試究竟！餐廳主要售賣三種牛骨湯嘅拉麵，點菜方式同日式嘅拉麵餐廳大致相同，先填寫對拉麵嘅個人喜好下單就可以了！我同女朋友都揀咗白松露湯底嘅牛骨湯麵，一上我就已經忍唔住食咗幾啖，發現原來加咗白松露嘅牛骨湯底，多咗一重鮮香，更令人想一再回味！除咗湯底之外，最值得一讚嘅就係拉麵入面嘅牛肉啦，呢隻牛肉係火炙和牛，和牛燒得剛剛好，唔會太熟，亦都保留着和牛嘅鮮嫩肉汁，抵讚！至於飲品方面，烏龍茶可以話係拉麵嘅絕配，食完拉麵熱辣辣，飲番支凍冰冰嘅烏龍茶， 10分涼快！