人生有限杯.串燒店

又一個禮拜做到隻狗咁，
放工最緊要搵間抵食又好食嘅嘢去嘆返下。
見到人哋介紹呢間「人生有限杯」，話10就有串燒食，
仲有啤酒買一送一，即刻拉埋同事去。

真係冇呃人，
鹽燒西班牙五花腩10有交易，
肉質肥瘦適中，點少少鹽已經好夠味，食完一串又一串。

我哋仲點咗好多特色嘢，
黑松露燒雞肝、味噌松板豬都做得唔錯。
最驚喜嘅係「有限杯之忌廉煮蜆」，
蜆肉好鮮甜，個忌廉湯底又濃郁又creamy，
配埋蒜蓉包食，簡直係加班後嘅靈魂救贖。

最後叫埋個明太子忌廉烏冬，
撈埋蛋黃，個口感超正。

今日咁樣食一餐，覺得個禮拜嘅OT都值得啦！