Bingo & Cook (京都廣場)

Open Now

Now Closed

Bingo & Cook為慶祝10周年，最近推出咗1小時任食醬油蟹套餐！人均$298(雄蟹)或$348(雌蟹)就食到！醬油蟹都有得任食真係第一次聽，除咗醬油蟹，可以任食嘅仲有炸雞、烏冬炒年糕、年糕香腸串、紫菜飯同罐裝飲料！醬油蟹我哋點咗雌蟹🦀 都算幾多膏，味道鮮甜，醬油味道恰好唔會死咸 ，蟹肉有咸香與鮮味並重！之後可以無限追加公蟹，前後點左幾隻食大滿足～另外仲加錢點咗醬油鮑魚、蝦同帶子，同樣整得入味香口！炸雞、烏冬炒年糕、年糕香腸串都係無限任食，個人最愛年糕香腸串，呢度嘅年糕沾上蜜糖然後燒到外層微焦脆，口感超好，一定要點！整體嚟講，雖然任食時間得一小時，但不停食其實都好夠飽！