金滿庭京川滬菜館 (Times Square) (Closed)

六點三去到金滿庭，即刻有位；晏D 就爆曬，待應話八點半交枱，無問題，我地兩公婆齊人，D 菜上得快自然會走得快。Citibank credit card 可以$10 一籠小籠包，要喇！另外1/4 個砂鍋雲吞雞、清炒蝦仁，一客三個生煎飽。清炒蝦仁好好味，唔知係咪味精效果，小籠飽一般水準，並不特別。個砂鍋雲吞雞就1/4俾雞髀位，雲吞我唔好，啖湯又係好好味！最精彩隻雞，好滑，老婆話可能唔係煲湯隻，因為煲gei 話，熬咁耐好難咁滑。無所謂喇，煲湯隻雞老左唔好食，呢隻咪OK law。食就十分滿意，杯人參烏龍又甘香，真係無唔滿意gei 地方。埋單$310，算物有所值！