Day and Nite by Master Kama (Closed)

是日放假出黎搵食。其實好耐之前幫襯過,不過係午餐時間。近日發現呢間餐廳突然人氣高企,所以拉埋朋友再黎試下。7點幾黎到樓下,好驚要等位。樓下接待員話用餐時間90分鐘。我地話無問題,唔洗5分鐘上左2樓。坐低極速睇左餐牌。其實俾當中一個2人餐既蟹蓋吸引住。不過望望價錢都要$580(好似)。所以都係散點左龍蝦pizza,龍蝦玉子燒,蕃茄蝦意粉同埋一個龍蝦盛宴(半隻龍蝦,龍蝦包,龍蝦湯烏冬)。上菜速度幾快。食物質素都唔錯,其中龍蝦玉子真係幾好食。不過今次一行4人點左4樣野。大家都好似唔係幾飽。4個人4樣野食埋單9百幾蚊。