Day and Nite by Master Kama (Closed)

妹妹生日，過去兩年都係去酒店食自助餐，食到悶悶地，本身係海鮮控既佢，話想食大大隻龍蝦，所以就試下DAY AND NITE BY MASTER KAMA🦞🦞✨地點方便，環境舒適，但地方略為細，只有數張枱，假日去之前記得book位！打開menu，見到個主打龍蝦匯乜都有，好似好正😋😋即刻叫番個，食物有蒜蓉牛油龍蝦🦞龍蝦包🦞🥖龍蝦海鮮什錦湯烏冬🦞🍜我最愛就係個龍蝦包，用牛油排包夾住啖啖嘅龍蝦肉，食落嘅感覺好幸福。龍蝦肉尚算新鮮，沒有痴殼嘅情況出現。由於唔夠食，另外加多個關西大阪燒，但個人覺得普普通通冇乜特別。多粉得來，海鮮都吾足夠。不過個人認為，未必會有翻炒再食嘅想法，因為餐廳環境細，以星期六外出晚飯來講，感覺有點冷清，當晚八時許亦沒有Full seat,只有三枱客，而且食材性價比唔算高，以同樣價錢來講，可以食到更好嘅選擇。