萬麗咖啡室 (Under Renovation)

今次我用咗匯豐信用卡優惠，食呢個自助餐，所以每人折扣後都係$400幾一位！最初我係俾佢嘅龍蝦吸引到，去到之後，成人會有一隻龍蝦，即係兩邊，而小童就會有半隻龍蝦，即係一邊！龍蝦來講，酒店真係普普通通整熟佢，層次唔係好豐富，覺得龍蝦比較一般相反，嗰日嘅生蠔，同埋麵包蟹先係重點！先講生蠔，每人限取三隻，不過唔使排好耐，因為師傅係開好晒，然後每人夾三隻比你！你自助餐來講，佢嘅生蠔真係好creamy, 蠔味重，有些少金屬味，美中不足但係大細比較參差！麵包蟹又係冇得頂，超級多膏，不過啲蟹蓋好快就俾人清晒，要留意住幾時refill🤣