龍城冰室

Open Now

Now Closed

觀塘工廠區近年開咗好多摩登裝修嘅茶廳，見到龍城冰室外表幾得，睇下食物得唔得。環境裝修唔錯，不過擺位好迫，絕對係茶餐廳DNA, 想你食完快些少走。呢度午餐一啲都唔貴，仲有餐湯跟。羅宋湯普通無驚喜咖哩豬仔柳咖哩汁夠杰身，味道似馬來咖哩，做得好惹味，微辣之中帶點刺激，豬柳切成條狀，容易放入口，好野👍🏻，有驚喜。黑椒西冷牛扒配薯菜黑椒汁做得好好味，如果唔好味，一定曝露咗西冷無味，不過整體賣相好差，好彩跟果個焗薯都好味，否則俾30分，係分俾個汁咋奶茶過得去，但比華星冰室奶茶差好遠。總體覺得，價錢相宜，無咩要求的話，咖哩豬仔柳會令你覺得值回票價。