304
32
11
8-min walk from Exit A2, Kwun Tong MTR Station continue reading
All Branches (5)
Telephone
21111982
Introduction
Hong Kong-style tea restaurant with verity of choices, including tea restaurant style regular meal, Chinese stir fry dish, Western risotto or spaghetti, and grilled steak set. continue reading
Opening Hours
Today
07:00 - 23:00
Mon - Sun
07:00 - 23:00
Payment Methods
AlipayHK Alipay Cash
Other Info
Spot payment
Review (394)
Level4 2020-05-22
1244 views
黃店 💛 #觀塘 #龍城冰室 #龍城🟡 Wolipay admin親自證實老闆支持抗爭而且有實際支援手足🟡 已派發飯券比手足約5000張今日去觀塘拎啲嘢,順便食個茶記冰室,揀咗呢間「龍城冰室」,位置方便,價錢合理,仲有好多菜式選擇🤗 有爬過文,有啲人話服務態度麻麻,又有啲人話幾好。我覺得係偏好,喺晚市時間都好有禮貌。🐙🔥 鐵板海鮮炒麵 ($52)首先點咗呢個海鮮炒麵,一上枱就滋滋聲,仲有好多水蒸氣,勁吸引😝 食落口,都果然好夠穫氣!呢個炒麵入面有兩隻青口同好多八爪魚、蝦、魚柳肉,算真材實料🤪 炒麵份量都好多🥰 加3蚊仲有得加熱飲咖~🐡🥦 海鮮雜菜煲 ($77)減緊肥嘅朋友叫咗海鮮雜菜煲,入面都係有兩隻青口同好多八爪魚、蝦、魚柳肉,加埋幾種菜同粉絲,朋友話佢都好夠飽,份量同味道佢都好滿意🤗 而且平時成日出街食飯,間中要食清少少,嗌呢個真係好fit🤪 continue reading
(The above review is the personal opinion of a user which does not represent OpenRice's point of view.)
Level4 2020-05-16
869 views
觀塘工業大廈林立,越來越多商店設於觀塘工業大廈中。今日去觀塘攞嘢,經過附近茶餐廳,裝修都幾靚,走時尚工業風路線,就入去食飯。是日晚餐有三款可以選擇,價錢$55-$62,包例湯和熱飲,例湯可以選擇紅湯,白湯或中湯。不過今日晏食午餐,仲有少少飽,想食啲菜,所以今日就點左個小炒。而友人就點左個常餐($48)。常餐其實都好吸引,唔係好似平時嗰啲咁普通, 呢度嘅常餐係瑞士雞翼撈公仔麵,加3.6牛乳炒蛋同牛油脆豬。烏黑黑嘅瑞士雞翼睇落去已經好吸引,食落甜甜地,帶有好香嘅瑞士汁滷水味,一陣陣嘅花椒八角香味,雞翼皮爽口彈牙,炆得好入味!瑞士汁一定要夠甜先好食,撈埋公仔麵加埋個凍檸茶簡直一絕!呢個牛乳炒蛋又係好好味,啲蛋非常滑,炒到七分熟,依然有少少蛋汁,但又唔會太生,吸入口已經可以滑入喉嚨。而牛油脆豬又真係脆卜卜,外脆內軟。西蘭花炒魷魚$70呢度嘅小炒估唔到吵得幾好食,茶餐廳好少咁有鑊氣,西蘭花炒得非常有鑊氣,食落好香口。加$12轉左餐配白飯同埋湯,揀咗紅湯。羅宋湯味道都唔錯,有少少辣,啲菜煲得好淋好入味。魷魚嘅份量都好多,而且大大塊,軟綿綿質感都唔錯,好容易咬。整體來講,食物質素都唔錯,下次可以試吓呢度嘅菠蘿油。 continue reading
(The above review is the personal opinion of a user which does not represent OpenRice's point of view.)
Level4 2020-05-09
772 views
友人工作上遇到不如意的事情,見她心情低落,便即慶約她吃飯吐苦水。在隨心之下,我們揀了快靚正的冰室。冰室以磚牆設計,配上歐陸式的掛燈,感覺非一般的傳統冰室設計。地方都唔少,設有多排卡座,亦有長沙發座配四人枱,也有些長枱,而全部枱都按防感染措施而設有屏板遮隔。枱上已放了三份餐牌,有是日晚餐、晚巿小菜孖寶套餐和一本厚厚的餐簿。厚厚的餐簿有很多選擇,令人眼花瞭亂,分別有冰室常餐、麵包系列、冰室粉麵、金牌焗飯、招牌秘製馬來咖喱、西式燴飯、歐陸意粉、鐵板套餐、港式炒粉麵、惹味小食、蔬菜健營精選、大排檔、冰室飲品和冰室特飲。而是日晚餐就有三款選擇,中西式都有,但卻偏偏不合我倆口味,故最後決定要「晚巿小菜孖寶套餐」。****************「晚巿小菜孖寶套餐」($138)包兩碗白飯、例湯和兩款小菜,如要飲品就另加錢。先上例湯和白飯,白飯成座山,超大碗,抵!例湯就大家都揀了中湯,是合掌瓜豬骨湯,熱度十足,湯面帶少少油,喝起來不油膩,味道鮮香,煲得夠火喉,亦用料十足,內有不少腍嫩的合掌瓜、清甜的紅蘿蔔和鮮香的豬骨。****************小菜共有23款選擇,我倆一人選一項心水,然後共享。我點了一客時菜炒斑片,大大碟,好滿足!約有六大塊斑片,肉質紮實,但絕不嚡口,啖啖肉,炒得好有鑊氣,味道剛好。時菜是正氣的菜心,保持翠綠色澤,鮮嫩清爽,還夾雜了一些爽口的菇片,不錯!****************友人要了一客鳳梨咕嚕肉,同樣大大碟,賣相仲幾吸引。加入清爽的青紅椒、脆口的洋蔥和酸甜多汁的菠蘿,全部沾上酸甜醬,酸酸甜甜的味道令人越食越開胃,佐白飯一流,馬上爬多幾啖。咕嚕肉件件金黃亮澤,啖啖肉,無乜肥膏,不覺肥膩,岩晒我! 外層稍稍香脆,肉質有咬口,友人喜歡。-------------------------大大碟的小菜,加上大大碗白飯,再加一大碗的例湯,這款抵食孖寶,抵! 還有加埋友人所吐的苦水,今晚真係勁飽肚。 continue reading
(The above review is the personal opinion of a user which does not represent OpenRice's point of view.)
Level4 2020-03-18
2069 views
已經有一段時間冇去龍城冰室, 今日下午心血來潮就入去吃午飯, 不知道是否太耐沒有來的關係,看見有很抵吃的下午茶餐, 就揀了兩款~自家製牛肉飯配沙律+ 茶走$38, 台式燥肉飯配牛肉球兩粒+茶走$38。自家製牛肉飯配沙律~ 牛肉飯的份量很多, 有甜甜的燒汁送飯一流, 沙律份量也很大碟, 甜甜酸酸的味道的確唔錯。台式燥肉飯配牛肉球~ 燥肉配飯特別好味, 我竟然可以吃得完整碗, 牛肉球質感偏實, 味道一般。茶走~ 其實是煉奶奶茶, 味道更加香滑。都有大約半年沒有到龍城冰室, 今次很驚喜的下午茶餐抵食又大碟, 餐廳的衛生和服務仍然要改善。在這疫情之下, 還沒有量度體溫, 而我用餐的時候,店員更手推一大袋垃圾經過。 送上沙律的時候,我看見店員把手指頭插入碟內, 真是驚心動魄的一幕! 當我用餐的時候店員突然走過來, 大力開枱的櫃桶, 然後再大力關下, 檯面上所有食物好像地震一樣,這方面需要改善一下。 continue reading
(The above review is the personal opinion of a user which does not represent OpenRice's point of view.)
Level3 2020-07-02
0 views
今日約左朋友去觀塘行街,平時真係好少會黎呢個地方,總覺得人多車多。行到大約下午,開始有d肚餓既感覺,所以就想揾個地方,食個下午茶兼休息下。黎到駿業街,見到呢間龍城冰室,裝修幾新淨,而且下午茶選擇幾多,就一於入去試試啦d位都幾闊落,而且用晒膠板圍住,可以食得放心呢個自選下午茶幾特別,一般餐廳比較少有,可以滿足到多心人士吾自選下午茶,都有普通下午茶餐可以選擇,朋友就簡左個野菌乾燒伊面我就被呢d常餐吸引左,天氣熱,想食d酸酸地既食物,所以就簡左羅宋湯腸仔粒通粉餐乾燒伊面先上,份量好多,而且材料吾少,炒得好有鑊氣,伊面好香常餐有我最愛既炒蛋加奶油豬。炒蛋嫩滑而且充滿牛油味,奶油豬夠晒卜卜脆,練奶佈滿成塊面包呢個羅宋湯腸仔通心粉,腸仔份量好足夠,個湯酸甜之餘再帶少少辣味,十分開胃我地仲叫左一個特厚花生醬西多士,一上枱係勁靚,大大舊牛油配上金黃色既西多士,令人睇到都想食切開入面滿滿既花生醬,面包鬆軟而且好有蛋香味,一啖食落好滿足天氣熱吾少得一杯解渴既凍飲。凍朱古力味道夠晒濃郁今餐食得相當飽,價錢亦合理,下次有機會會再幫襯 continue reading
(The above review is the personal opinion of a user which does not represent OpenRice's point of view.)