梨滿園韓國料理 (Closed)

韓國熱潮仍然盛行, 韓國食店在香港越開越多, 上星期便去了位於旺角的梨滿園食韓燒.韓燒前, 當然要食各款前菜, 一共有六款. 我自己不太食得辣, 所以最愛食魚仔和青菜.侍應也預備了醬汁, 醬料和生菜, 可以配合烤肉一齊食.我地點了烤牛肉, 特選牛肋骨(無醃), 烤牛脷, 鮮大蝦和烤豬皮.在燒緊的時候, 最好先食一些已煮好的款式, 我地點了醬豬手.上枱時已經切好, 啖啖肉, 進食方便, 而豬手幾腍身, 唔會太硬身.首先, 烤牛肉, 醃得夠入味, 由於夠薄, 好快就熟, 肉又夠腍.烤牛脷和特選牛肋骨(無醃)就淡口一點, 因為無醃, 風味不同.也烤了大蝦和豬皮.大蝦是我至愛, 好大隻, 啖啖肉, 肉質又彈牙, 不用點醬也好好味.韓燒要一試豬皮, 原來蓋上生菜來烤是最好, 有點煙煙靭靭, 口感幾特別.燒墨魚也是不錯選擇.墨魚夠鮮味, 又彈牙, 口感一流, 肉質又夠厚身.愛飲湯的我, 一定要點湯飲, 揀了人參雞湯和牛肋骨湯.人參雞湯幾甘香, 而雞肉也嫩滑, 對於我來講, 味道較淡, 但食了較濃味的燒烤, 也是不錯的選擇.牛肋骨湯感覺不同, 湯的牛味夠濃, 愛牛的人要一試.