鼎·會館 (Closed)

難得有機會到鼎爺間新餐廳食飯，一定要寫返篇食評啦！鼎爺煮中菜既功力唔洗質疑，睇電視已經知有幾勁～對比鼎爺第一間餐廳，鼎爺私房菜，呢間餐廳相對上較為便宜，因為可以單點咁食，私房菜就要包圍，呢到既定位亦比較大眾化。呢日食既係午市套餐。豉油雞非常之入味，塊皮係精華，非常juicy ，燒肉層次分明。色澤都好靚～～～個湯係全個餐最正既一點，湯味濃郁鮮甜，入味到爆～回味無窮呀！鮑魚同樣鮮美入味，夠彈牙，旁邊個舊睇落去好似薯蓉，但係其實佢係西柚皮！要用好多心機，先可以將呢個西柚皮煮到唔苦唔澀，雖然係咁，但係我就麻麻地鍾意食個皮呢碟豉椒脆魚都好唔錯價錢唔算平，但我覺得值得一試！！！